ՀԱՊԿ-ը պատրաստ է ուժեղացնել միջնորդական ջանքերը՝ Տաջիկստանի եւ Ղրղըզստանի միջեւ փոխզիջման հասնելու համար, նշվել է կազմակերպության քարտուղարության հայտարարությունում։
«Անընդունելի ենք համարում ուժի կիրառման ցանկալի փորձ վիճելի հարցերի լուծման համար եւ համոզված ենք, որ քաղաքական-դիվանագիտական մոտեցումներն այլընտրանք չունեն։ ՀԱՊԿ-ը պատրաստ է համակողմանիորեն ուժեղացնել միջնորդական ջանքերը՝ կայուն փոխզիջման հասնելու համար»,- նշվել է ՀԱՊԿ կայքի հաղորդագրությունում։
ՀԱՊԿ ղեկավարությունը եւ քարտուղարության աշխատակիցները ցավով եւ դառնությամբ են ընկալել բախումների զոհերի մասին լուրը, որոնք տեղի են ունեցել Ղրղըզստանի եւ Տաջիկստանի սահմանին սեպտեմբերի 14-17-ին, ինչպես նաեւ ցավակցություն են հայտնում երկու երկրների ժողովուրդներին՝ ողբերգության առիթով, նշել է կազմակերպությունը։
Մասշտաբային մարտական բախումները Ղրղըզստանի եւ Տաջիկստանի սահմանին սկսվել են ուրբաթ առավոտյան։ Կողմերը մեղադրել են միմյանց գնդակոծություններում։ Դաժան մարտերը երկու երկրների զինվորականների միջեւ սահմանի ողջ պարագծով տեւել են ամբողջ օրը։ Հրադադարի հաջողվել է հասնել միայն գիշերվան մոտ։ Շաբաթ օրն առավոտյան բախումները պարբերաբար վերսկսել են։ Կողմերը միմյանց մեղադրել են հրադադարի համաձայնագրի խախտման մեջ։ Փոխհրաձգությունը դադարեցվել է միայն շաբաթ օրվա երեկոյան։
