ԱՄՆ Ներկայացուցիչների պալատի խոսնակ Նենսի Փելոսիի այցը Հայաստան երկու հիմնական նպատակ է հետապնդում՝ նախընտրական քարոզչություն եւ հակառուսական տրամադրություններից օգտվելու ցանկություն։ Սեպտեմբերի 19-ին լրագրողների հետ հանդիպման ժամանակ այսպիսի կարծիք է հայտնել քաղտեխնոլոգ Կարեն Քոչարյանը։
Նա, մասնավորապես, նշել է, որ ԱՄՆ Ներկայացուցիչների պալատի ընտրությունները տեղի են ունենալու ընթացիկ տարվա նոյեմբերին։ Փելոսին ինքը, Երեւանում գտնվելով, ուղիղ հայտարարել է այն մասին, որ Կալիֆոռնիայի նահանգի բնակչության 40 տոկոսը էթնիկ հայեր են։ Ավելին, նա պատվիրակության կազմում ընդգրկել էր հայաբնակ նահանգների կոնգրեսականներին։
Քաղտեխնոլոգի խոսքով՝ ԱՄՆ-ում միշտ գնահատել են հայ համայնքին՝ որպես ռուսամետ։ «Իսկ հիմա Հայաստանում գերիշխող են դարձել հակառուսական տրամադրությունները։ Բնականաբար, ԱՄՆ-ը որոշել է օգտվել դրանից եւ նախաձեռնությունը վերցնել իր ձեռքը»,- նշել է փորձագետը։
