Արագածոտնի մարզում տեղի ունեցած խոշոր ավտովթարի հետևանքով տուժած 10-ը քաղաքացի տեղափոխվել է «Ապարանի», «Արմենիա», «Էրեբունի», «Սուրբ Աստվածամայր» բժշկական կենտրոններ:
ԱՆ-ից NEWS.am-ին հայտնում են, որ նրանցից մեկը վիրահատվում է, 3-ը հետազոտությունների փուլում են, իսկ մյուսների վիճակը գնահատվում է միջին ծանրության: Տուժածները բժշկական կենտրոններ են տեղափոխվել մարմնական տարբեր աստիճանի վնասվածքներով:
Ավելի վաղ NEWS.am-ը հայտնել էր, որ այսօր՝ սեպտեմբերի 19-ի առավոտյան, Ապարան-Քուչակ ավտոճանապարհի 4-րդ կմ-ին բախվել են Արթիկ-Երևան երթուղին սպասարկող «ԳԱԶել» (վարորդ՝ Մ. Հ., ծնված 1991 թ․) և «Opel Astra» (վարորդ՝ Պ. Մ., ծնված 1983 թ․) մակնիշների ավտոմեքենաները, ինչի հետևանքով ավտոմեքենաները դուրս են եկել ճանապարհի երթևեկելի հատվածից (մոտ 10 մ). «Opel Astra» մակնիշի ավտոմեքենան գլխիվայր շրջվել է։
Ապարան քաղաքի ԲԿ են հոսպիտալացվել ավտոմեքենաների վարորդները, ուղևորներ՝ Ա. Ս.-ն (մոտ 5 տարեկան), Ս. Ե.-ն (ծնված 1959 թ.), Մ. Մ.-ն (ծնված 1990 թ.) և Ս. Մ.-ն (ծնված 2019 թ.), Դ. Վ.-ն (ծնված 2001 թ.), Հ. Օ.-ն (ծնված 1998 թ.), Ս. Մ.-ն (ծնված 1961 թ.) և մի կին (տվյալները չի հաջողվել պարզել), որտեղ առաջին բուժօգնություն ստանալուց հետո՝ Մ․ Մ.-ն, Հ․ Օ.-ն և մի կին (անգիտակից վիճակում), տեղափոխվել են Երևան քաղաքի ԲԿ-ներ։
Փրկարարները հոսանքազրկել են ավտոմեքենաները, փակել գազի բալոնների փականները և «ԳԱԶել» մակնիշի ավտոմեքենայի 5 ուղևորի մոտեցրել շտապօգնության ավտոմեքենային։