«Սիլվայի գործով» նիստը կրկին հետաձգվել է։ Հաջորդ նիստը նշանակված է հոկտեմբերի 4-ին ժամը 13:00-ին։
Ինչպես հայտնի դարձավ հանդիպման սկզբում, նախկին փոխվարչապետ, այժմ «Հայաստան» դաշինքի պատգամավոր Արմեն Գեւորգյանի փաստաբան Լուսինե Սահակյանն առողջական խնդիրների վերաբերյալ հաղորդում եւ համապատասխան բժշկական տեղեկանք է ներկայացրել։
Իր հերթին դատավոր Աննա Դանիբեկյանն ասաց, որ Արմեն Գեւորգյանին թույլատրվել է սեպտեմբերի 21-ից 26-ը ներառյալ մեկնել արտերկիր ԱԺ պատվիրակության կազմում։ Այդ լուրն ակնհայտորեն զարմացրեց մեղադրող կողմին։ Մեղադրող Գեւորգ Բաղդասարյանը դատարանից փորձեց ճշտել՝ արդյո՞ք հարցը չպետք է քննարկվեր դատական նիստին։ Դատավոր Դանիբեկյանը հակադարձեց դրան՝ նշելով, որ նիստն ավարտվել է.
Հիշեցնենք, որ այս գործով նիստեր արդեն մի քանի ամիս է, ինչ չեն անցկացվում։
