ԵՄ արտաքին քաղաքականության գերագույն ներկայացուցիչ Ժոզեպ Բորելը չի հավատում, որ ՄԱԿ-ի Գլխավոր ասամբլեայի շրջանակում Իրանի նախագահ Էբրահիմ Ռայիսիի հետ հանդիպումն արդյունավետ կլինի։
Politico-ին տված հարցազրույցում Բորելն ասել է, որ չի կարող առաջիկայում կանխատեսել որեւէ լուրջ առաջընթաց։
«Կողմերի ակտիվությունը բարելավել է արդյունքը։ Բայց դա տեղի չի ունեցել վերջին շաբաթների ընթացքում։ Այժմ մենք փակուղու մեջ ենք»,-ասել է Բորելը:
Պատասխանելով պարբերականի հարցին, թե պատրաստ է արդյոք հանդիպել Ռայիսիի հետ, որը նույնպես Նյու Յորքում է, Բորելն ասել է․ «Ես չեմ կարծում, որ հարցը կարող է լուծվել նախագահի հետ հանդիպման ժամանակ»։
Իրանում ԵՄ ներկայացուցիչ Էնրիկե Մորան նույնպես մասնակցում է ՄԱԿ-ի Գլխավոր ասամբլեային, մինչդեռ ԱՄՆ պետքարտուղար Էնթոնի Բլինքենը նույնպես Նյու Յորքում է, թեեւ Պետդեպարտամենտը մերժում է Իրանի հետ անձամբ հանդիպելու ցանկացած հնարավորություն:
