ՄԱԿ-ն իր աշխատակազմին խորհուրդ է տվել ռուսական արտադրության ինքնաթիռներ եւ ուղղաթիռներ չօգտագործել քաղաքական եւ հումանիտար առաքելությունների համար։ Այս մասին հայտարարել է ՄԱԿ-ի պաշտոնական ներկայացուցիչ Ստեֆան Դյուժարիկը, փոխանցում է ՌԲԿ-ն։
«Դա վերաբերում է ե՛ւ ինքնաթիռներին, ե՛ւ ուղղաթիռներին։ Մինչ մենք մեղմացնող միջոցներ ենք ձեռնարկում, այդ իրադարձությունն ակնհայտորեն ազդում է խաղաղապահ եւ քաղաքական առաքելություններն իրականացնելու մեր ունակության վրա»,- հայտարարել է պաշտոնական ներկայացուցիչը։ Նրա խոսքով՝ ռուսական ինքնաթիռները կազմում են ՄԱԿ-ի օդային նավատորմի 22 տոկոսը։
ՄԱԿ-ում այդ քայլը բացատրել են մտահոգությամբ ռուսական ինքնաթիռների որակի կապակցությամբ։ Նման մտահոգություններ է հայտնել ՄԱԿ-ի քաղաքացիական ավիացիայի միջազգային կազմակերպությունը։