Դանիան դարձել է առաջին զարգացած երկիրը, որը ֆինանսավորում է առաջարկում կլիմայի հետ կապված բնական աղետների կործանարար հետեւանքների «կորուստն ու վնասը» ծածկելու համար, որոնք այնքան ծայրահեղ են, որ դրանցից ոչ մի պաշտպանություն հնարավոր չէ, գրում է The Guardian-ը։
ՄԱԿ Գլխավոր ասամբլեայում Դանիայի կառավարությունը բարերարներին եւ աղքատ երկրներին հայտարարել է, որ 100 միլիոն դանիական կրոն (12 միլիոն ֆունտ սթեռլինգ) կհատկացնի հատուկ վնասների եւ կորուստների համար:
Շոտլանդիան նույնպես միջոցներ է առաջարկել կորուստներն ու վնասները ծածկելու համար՝ անցած նոյեմբերին Գլազգոյում ՄԱԿ-ի կլիմայի Cop26 գագաթաժողովում 2 միլիոն ֆունտ սթեռլինգ խոստանալով, մինչդեռ բելգիական Վալոնիայի շրջանի կառավարությունը խոստացել է 1 միլիոն եվրո: Դանիան առաջին կենտրոնական կամ դաշնային կառավարությունն է, որն իր վրա պարտավորություն է վերցրել:
Գումարները չնչին են՝ համեմատած այն տասնյակ կամ հարյուր միլիարդավոր դոլարների վնասների հետ, որոնք, ինչպես սպասվում է, կկրեն երկրները, սակայն սիմվոլիզմը կարեւոր է: Cop26-ում կառավարությունները համաձայնել են ստեղծել կորստի եւ վնասի դեմ պայքարի շրջանակ, սակայն ֆինանսավորման մեխանիզմի շուրջ համաձայնություն ձեռք չի բերվել: