Նոր Զելանդիայի վարչապետ Ջասինդա Արդերնը ՄԱԿ-ի Գլխավոր ասամբլեայի ամբիոնից ՄԱԿ-ի Անվտանգության խորհրդին կոչ է արել`վերացնել իր մշտական անդամների համար վետոյի իրավունքը:
«Վետոն պետք է հանվի, մշտական անդամները պետք է կատարեն իրենց պատասխանատվությունը՝ հանուն խաղաղության եւ անվտանգության, այլ ոչ թե հետապնդեն ազգային շահերը», - ասել է Արդերնը։
ՄԱԿ-ի համակարգում Անվտանգության խորհուրդը գործեւմ է խաղաղության պահպանման նպատակով եւ ներառում է հինգ մշտական անդամներ՝ Ռուսաստանը, Միացյալ Նահանգները, Մեծ Բրիտանիան, Ֆրանսիան եւ Չինաստանը։ Այս կազմն անփոփոխ է ու անձեռնմխելի, յուրաքանչյուրն ունի «վետոյի» իրավունք, ինչը թույլ է տալիս արգելափակել ցանկացած որոշման ընդունում։ Նրանցից բացի, ՄԱԿ-ի Անվտանգության խորհուրդը ներառում է եւս տասը երկիր, որոնք ընտրվում են պետությունների յուրաքանչյուր տարածաշրջանային խմբից՝ ընդամենը երկու տարով։
Անվտանգության խորհրդի բանաձեւերը, ի տարբերություն Գլխավոր ասամբլեայի հանձնարարական բանաձեւերի, պարտադիր են, թեեւ ոչ միշտ են կատարվում:
