News
Լրահոս
News
Երեքշաբթի
Մարտ 19
Տեսնել լրահոսը

Ֆրանսիայի Ազգային ժողովի պատգամավորները հայտնել են, որ դիմել են երկրի խորհրդարանի ստորին պալատի նախագահին՝ խնդրելով ստեղծել հանձնաժողով՝ Ռուսաստանի կողմից քաղաքական կուսակցությունների ենթադրյալ ֆինանսավորումն իբր հետաքննելու համար, հայտնում է Reuters-ը։

Իրենց նամակում պատգամավորները նշել են, որ այդ քայլը պայմանավորված է ԱՄՆ հետախուզության տվյալների գաղտնազերծմամբ, որոնք ցույց են տալիս, որ Ռուսաստանը հարյուր միլիոնավոր եվրոներ է վճարել օտարերկրյա քաղաքական կուսակցություններին՝ «ընտրությունների վրա ազդելու համար»:

Ֆրանսիայի նախագահ Էմանուել Մակրոնի «Վերածնունդ» (En Marche) կուսակցության ութ անդամներ նշել են, որ Մարին Լը Պենի «Ազգային միավորում» կուսակցությունը դեռ մարում է «ռուսական բանկերի կողմից տրամադրված» վարկը։

«Այս փաստերը հստակ ցույց են տալիս, որ ռուսական կողմը կշիռ կունենա ֆրանսիական հանրային բանավեճերում»,- գրել են պատգամավորները եւ պահանջել ստեղծել հանձնաժողով, որը կստուգի, թե արդյոք ֆրանսիական քաղաքական կուսակցությունները օգուտ են ստացել «ռուսական ֆինանսավորումից»։

 

!
Այս նյութը հասանելի է նաև   English and Русский
Տպել
Ամենաշատ