News
Լրահոս
News
Ուրբաթ
Դեկտեմբեր 02
USD
395.53
EUR
393.43
RUB
6.42
Տեսնել լրահոսը

Սուպերթայֆունը շարժվում է դեպի Ֆիլիպիններ եւ կարող է հարվածել խիտ բնակեցված գլխավոր Լուսոն կղզուն՝ ստիպելով տարհանել ափամերձ քաղաքների բնակիչներին, հայտնում է AFP լրատվական գործակալությունը՝ վկայակոչելով տեղական իշխանություններին։

«Նորու» սուպեր թայֆունը զարգացրել է քամու առավելագույն կայուն արագությունը՝ ժամում 195 կիլոմետր:

Ակնկալվում է, որ փոթորիկը, որն այս տարի ամենաուժեղն է հարվածել Ֆիլիպիններին, կշարունակի ուժգնանալ եւ տեղական ժամանակով ցերեկը կամ երեկոյան ցամաք կհասնի՝ մայրաքաղաք Մանիլայից մոտ 80 կմ հյուսիս-արեւելք ընկած հավածում:

«Վտանգի ենթակա տարածքներում ապրող բնակիչներին խնդրում ենք ուշադիր լինել՝ անհրաժեշտության դեպքում տարհանվելու կոչերին», - ասել է Ֆիլիպինների ազգային ոստիկանության պետ, գեներալ Ռոդոլֆո Ազուրինը:

Ֆիլիպինները պարբերաբար ենթարկվում է փոթորիկների, եւ գիտնականները զգուշացնում են, որ դրանք ուժեղանում են, քանի որ, կլիմայի փոփոխության պատճառով, աշխարհը տաքանում է:

«Նորուն» հայտնվել է նախորդ թայֆունից ինը ամիս անց: Նախորդ թայֆունին զոհ է դարձել ավելի քան 400 մարդ, հարյուր հազարավոր բնակիչներ մնացել են անօթեւան։

Ֆիլիպինները, որը կլիմայի փոփոխության հետեւանքներից ամենաշատը տուժող պետություններից է, տարեկան միջինը 20 փոթորիկի է դիմադրում:

!
Այս նյութը հասանելի է նաև   Русский
Տպել
Ամենաշատ