Սոմալիում մահապարտ-ահաբեկիչը պայթեցրել է իրեն մայրաքաղաք Մոգադիշոյի արեւմուտքում գտնվող ռազմաբազայում, ինչ հետեւանքով զոհվել է 1 եւ վիրավորվել 6 զինծառայող, Reuters լրատվական գործակալությանը հայտնել են ռազմական բազայից եւ հիվանդանոցից։
Մահապարտ-ահաբեկիչը քողարկվել է սովորական զինվորի հանդերձանքով եւ միացել մյուսներին, երբ նրանք կիրակի առավոտյան մտել են ռազմաբազա, որից հետո գործի է դրել պայթուցիկ սարքը։
Մոգադիշոյի հիվանդանոցներից մեկում Reuters-ին հայտնել են, որ մեկ զոհված զինվոր եւ եւս վեցը վիրավորվել են։
Դեռեւս պարզ չէ, թե ով է իրականացրել հարձակումը, սակայն իսլամիստական «Ալ Շաբաբ» խմբավորումը հաճախակի է ռմբակոծություններ եւ հրազենային հարձակումներ իրականացնում Սոմալիում եւ այլ երկրներում։
«Ալ Քաիդա»-ի հետ կապված խմբավորումը ցանկանում է տապալել Սոմալիի կենտրոնական իշխանությանը եւ հաստատել իր սեփական իշխանությունը՝ հիմնված իսլամական շարիաթի օրենքների խիստ մեկնաբանության վրա:
