News
Լրահոս
News
Չորեքշաբթի
Նոյեմբեր 30
USD
395.53
EUR
393.43
RUB
6.42
Տեսնել լրահոսը

Սեպտեմբերի 12-ի լույս 13-ի գիշերը Ադրբեջանի սանձազերծած հարձակման հետեւանքով զոհվել է պայմանագրային զինծառայող Արմեն Իշխանյանը։

35-ամյա ավագ սերժանտ Իշխանյանը մոտ 15 տարի ծառայում էր Զինված ուժերում։ Երկար տարիներ ծառայել է Քարվաճառում, իսկ 44–օրյա պատերազմից հետո՝  Քարվաճառի՝ Ադրբեջանի վերահսկողության տակ անցնելուց հետո տեղափոխվել էր Ջերմուկ։

«Ինքը շատ դժվարությամբ տարավ Քարվաճառի հանձնումը։ Ասում էր՝ մենք մեր դիրքերից մեկ սանտիմետր չէինք զիջել թշնամուն։ Մեր ձեռքերով էինք պատրաստել դիրքերը»,- NEWS.am-ի հետ զրույցում պատմեց Արմեն Իշխանյանի հարազատը՝ Սիրուշ Ղազարյանը։

Արմեն Իշխանյանը մասնակցել էր քառօրյա եւ 44-օրյա պատերազմներին։

Վերջին անգամ նա ընտանիքի հետ կապ էր հաստատել մարտական գործողությունների սկսվելուց ժամեր անց եւ նույն օրն էլ զոհվել։  

«Թեժ մարտերի են մասնակցել, շատերը զոհվել են, մնացել են երկու հոգով, երկուսն էլ վիրավոր։ Արմենն այդ վիճակում կարողացել է մյուս վիրավոր ընկերոջը մի քանի կիլոմետր հեռու տանել։ Հասցրել է նաեւ կնոջը հետ խոսել ու ասել՝ «շրջափակման մեջ եմ, չեմ կարող դուրս գալ, եթե թշնամին մոտենա, ես գերի չեմ ընկնելու, իմ ձեռքին նռնակ կա»։ Արմենին օրեր անց գտել են մահացած վիճակում, նրա ձեռքի նռնակը պայթած է եղել։ Ես չեմ կարող կոնկրետ ասել՝ դեպքն ինչպես է տեղի ունեցել, իրեն թշնամին մոտեցե՞լ է, թե՝ ոչ»,- պատմեց Սիրուշ Ղազարյանը։

Արմեն Իշխանյանն ունի երկու անչափահաս դուստր։ Նա հուղարկավորվել է սեպտեմբերի 24-ին, զինվորական կարգով, Վանաձորի զինվորական պանթեոնում։

Հիշեցնենք, որ սեպտեմբերի 13-ին՝ ժամը 00:05-ից, Ադրբեջանի ԶՈՒ ստորաբաժանումները սահմանի ողջ երկայնքով հրետանային միջոցներից, խոշոր տրամաչափի հրաձգային զինատեսակներից սկսել էին ինտենսիվ կրակ վարել հայկական դիրքերի ուղղությամբ՝ կիրառելով նաեւ ԱԹՍ-ներ: Հակառակորդը հարվածում էր թե՛ ռազմական, թե՛ քաղաքացիական օբյեկտներին։

Պաշտպանության նախարարության հաղորդմամբ՝ սեպտեմբերի 14–ին, ժամը 20։00–ից բոլոր ուղղություններով կրակը գրեթե դադարել է, էական միջադեպեր չեն արձանագրվել։ Սեպտեմբերի 25-ի դրությամբ՝ հայ-ադրբեջանական սահմանին իրադրության փոփոխություն չի արձանագրվել:

Ադրբեջանի զինուժի լայնածավալ հարձակման հետեւանքով հայկական կողմն ունի 207 զոհ եւ անհետ կորած։ Սեպտեմբերի 17-ին ադրբեջանական կողմը  32 զինծառայողի մարմին էր փոխանցել հայկական կողմին,  սեպտեմբերի 20-ին՝ 95, իսկ սեպտեմբերի 23–ին՝ եւս 6 մարմին։

Տպել
Կարդացեք նաև
Ամբողջը
Գեղարքունիքում ներխուժումների հետևանքով ադրբեջանցիենրի կրակոցները գյուղերում առօրյայի անբաժան մաս են դարձել. «Թաթոյան»
Իրավունքի և արդարության կենտրոն «Թաթոյան» հիմնադրամի ներկայացուցիչները մի քանի օր առաջ ՀՀ Գեղարքունիքի մարզի Սոթք, Գեղամաբակ, Վերին Շորժա և մի շարք այլ գյուղերում իրականացրել են փաստահավաք աշխատանքներ...
Բրյուսելը չի հրաժարվել Փաշինյանի ու Ալիևի մասնակցությամբ քառակողմ հանդիպման գաղափարից. աղբյուր. «Ազատություն»
Նախագահ Շառլ Միշելի համար, աղբյուրի ձևակերպմամբ, «դա կարևոր է»։ Բայց բանակցությունների կոնկրետ օր դեռ չի նշվում…
Հայաստանին փոխանցված 13 մարմինների նույնականացման գործընթացը սկսվել է. փորձաքննություններ են նշանակվել
Այս պահի դրությամբ Ադրբեջանը Հայաստանին է վերադարձրել 156 մարմին...
Ռիքերը Բաքվին և Երևանին հորդորել է պլանավորել հետագա բանակցությունները
Բաքվում ԱՄՆ դեսպանատունը հաղորդում է, որ Ռիքերն ընդգծել է Միացյալ Նահանգների շարունակական աջակցությունը Ադրբեջանի և Հայաստանի միջև ուղիղ...
Ադրբեջանի հետ գազային գործարքը կոտրել է Հայաստանում մինչ այդ առկա մեծ վստահությունը. ԵԽ պատգամավոր Լարս Պատրիկ Բերգ
Հոդվածում անդրադարձ կա նաև նոյեմբերի սկզբին Եվրոպական խորհրդարանի պատգամավորների՝ Հայաստան այցի մասին: Նրանք Հայաստանում էին իրավիճակին...
Հակառակորդի կողմից Արցախում վիրավորված զինծառայողներից մեկը դուրս է գրվել
Նրանք ստացել են բեկորային փոքր վնասվածքներ․․․
Ամենաշատ