BMW-ն ակնկալում է հասնել ավտոմոբիլային բիզնեսի 7-ից 9 տոկոս մարժայի թիրախի վերին սահմանին եւ ակնկալում է վաճառքի համեստ աճ 2023 թվականի ընթացքում, հաղորդում է Reuters լրատվական գործակալությունը՝ վկայակոչելով գլխավոր ֆինանսական տնօրեն Նիկոլաս Փիթերին։
Չինաստանում պահանջարկը սկսել է վերականգնվել երրորդ եռամսյակում նշել է գլխավոր ֆինանսական տնօրենը. Եվրոպայում պատվերների գրքույկը դեռ լիքն է, սակայն պահանջարկը թույլ է Գերմանիայում եւ Մեծ Բրիտանիայում, իսկ ավելի ուժեղ Ֆրանսիայում, Իսպանիայում եւ Իտալիայում:
Լյուքս դասի մեքենաների արտադրողն ակնկալում է, որ այս տարի կհասնի ամբողջությամբ էլեկտրական մեքենաների վաճառքի 10 տոկոս շեմի նպատակին՝ վաճառելով մոտ 240-ից 245 հազար մեքենա, իսկ հաջորդ տարի այդ թիվը կարող է աճել մինչեւ 400 հազար , ավելացրել է Փիթերը:
Հարցին, թե ինչպես է BMW-ն արձագանքում Եվրոպայում գազի պակասին, Փիթերն ասել է, որ ընկերությունը 15 տոկոսով կրճատել է գազի սպառումը Գերմանիայում եւ Ավստրիայում եւ ակնկալում է, որ կկարողանա էլ ավելի կրճատել:
«Գազի խնդիրն այս տարի մեզ վրա ուղղակի ազդեցություն չի ունենա»,- նշել է նա՝ հավելելով, որ մինչ այժմ մատակարարման շղթայում արդյունահանման կրճատումներ չեն եղել։
Անցյալ շաբաթ Volkswagen-ը եւ Mercedes-Benz-ը ներկայացրել են արտակարգ իրավիճակների համար նախատեսված ծրագրեր:
Վերոնշյալ ընկերության գլխավոր ֆինանսական տնօրենը չի հստակեցրել, արդյոք BMW-ն նույնն է անում թե ոչ, սակայն ասել է, որ չիպերի պակասից հետո ընկերությունն ավելի սերտ հարաբերություններ է հաստատել իր մատակարարների ցանցի հետ:
