News
Լրահոս
News
Ուրբաթ
Դեկտեմբեր 09
USD
395.53
EUR
393.43
RUB
6.42
Տեսնել լրահոսը


Մենք մեր խոստմանը հավատարիմ երեկ երեկոյան ժամը 11-ին տիկնոջս հետ եղել ենք «Եռաբլուր» պանթեոնում. մենք ցանկանում ենք, որ որեւէ իշխանական թեւի անձնավորություն, կլինի ԱԺ-ից, կառավարությունից, թե առավել եւս նրանց գլխավորը հանդիսացող Նիկոլ Փաշինյանը, այստեղ մեր աչքին չերեւա: Այս մասին այսօր՝ սեպտեմբերի 27-ին, «Եռաբլուր» պանթեոնում լրագրողների հետ զրույցում նշեց 44-օրյա պատերազմում զոհված զինծառայող Ժորա Սահակյանի հայրը՝ Վահիդ Սահակյանը (ֆոտոռեպորտաժ):

Հիշեցնենք, որ զոհված զինծառայողների ծնողները որոշել էին գիշերել «Եռաբլուրում», որպեսզի առավոտյան թույլ չտան իշխանության ներկայացուցիչներին մտնել «Եռաբլուր» պանթեոն:

«Բոլորը տեղյակ են, թե ինչ կատարվեց սեպտեմբերի 21-ին այստեղ: Բոլորիս մարմնական վնասվածք հասցնելով հեռացրեցին: Ես այդ դրվագը համեմատում եմ 1915 թվականի հետ, երբ սկզբում թուրքերը հավաքեցին մտավորականներին, ապա տղամարդկանց, հետո կանանց ու երեխաների ջարդը սկսվեց: Սեպտեմբերի 21-ին մեզ հետ վարվեցին նույն կերպ: Սկզբից տղամարդկանց մեկուսացրին, հետո սկսեցին կանանց առեւանգել:

Կարմիր ու սեւ բերետավորները, որոնք փողի համար պատրաստ են ամեն ինչ անելու, անհամաչափ ուժ գործադրելով մայրերի հանդեպ, տարան: Մեր Գոհար քույրիկին 4 խուլիգաններ գլուխը դեպի ներքեւ պահելով, որպեսզի արյան կաթված ստանա, աստիճաններով տարեն, շպրտեցին ներքեւ: Հաստավիզ լեյտենանտը թող իմանա, որ իր որդին անհետ է համարվում, գալու է ու նույն հաշվեհարդարի իր ու իր մոր հետ տեսնի»,-ասաց նա:

Ինչ վերաբերում է նրան, որ այսօր որեւէ պաշտոնյա չի այցելել «Եռաբլուր», Վահիդ Սահակյանն ասաց. «Ինձ թվում է, որ սեպտեմբերի 21-ի օրը դաս եղավ էդ մարդկանց համար, որ իրենք չսպասված հյուր են մեզ համար, մեր տղաների համար:

Էդ մարդը բազմիցս ասել է, որ ձեր տղաների կյանքը կարելի էր փրկել, բայց չի ուզեցել: Իրեն զոհերի թիվ էր պետք, որ ասի՝ պայքարել եմ: Բա էսօրվա զոհերն ինչի՞ համար են: Այդ ծնողները չարձագանքեցին մեր կոչերին, չեկան, որ էդ խուլիգանին հեռացնենք, ու այսօր էդ ցավը հասավ իրենց դուռը: Եկեք միացեք, որ էդ մարդուն հեռացնենք: Ասում են՝ ով երկիրը ղեկավարի, ես ասում եմ՝ ով ուզում է լինի, բայց ոչ Նիկոլ Փաշինյանը: Ինքը չարիք է, ինչքան մնա, այդքան շատ զոհեր ենք ունենալու»:
Հարցին, թե արդյոք պատրաստվում են բոլոր հիշատակի օրերն անցկացնել «Եռաբլուրում», զոհվածի ծնողը պատասխանեց. «Օրը կլինի հիշատակի, թե ոչ հիշատակի, էդ մարդիկ մեզ համար, մեր տղաների համար անցանկալի հյուր են, թող չգան»:

Հիշեցնենք, որ այսօր լրանում է 44-օրյա պատերազմի սկսվելու 2-րդ տարելիցը:

Տպել
Կարդացեք նաև
Ամբողջը
Առաջարկում եմ ընդունել որոշում հնարավորինս սեղմ ժամկետում անցկացնել Վանաձորի ավագանու նոր ընտրություններ. Վահե Դոխոյան
Արդեն շուրջ մեկ տարի է ինչ Վանաձոր համայնքը չունի ձևավորված տեղական ինքնառավարական մարմին, քանի որ վանաձորցիների կողմից ամենաշատ ձայներ…
«Ժողովուրդ». Պադավադապետության դեմ պայքարողը. Նիկոլ Փաշինյանը խաբել է. մաս 151
Հայաստանի Հանրապետությունում պետք է 30-35 ծառայողական մեքենա լինի՝ հատուկ պահպանության ենթակա...
«Ժողովուրդ». Նոր փոփոխությամբ ՊՊԾ պետն ԱԱԾ տնօրենին եւ Ոստիկանապետին հավասար աշխատավարձ կստանա
Պետական պահպանության ծառայությունը կդառնա վարչապետին ենթակա մարմին եւ դուրս կբերվի Ազգային...
«Հրապարակ». «Դավայ, գնաց բերմանը». Հրապարակի կրպակի ապամոնտաժումն ապօրինի՞ է
Սեփականատերը վրդովված էր, վեճ սկսվեց ոստիկանների ու սեփականատիրոջ եւ  փաստաբանի միջեւ...
«Ժողովուրդ». Կալանավորված դատավոր Ալեքսանյանը հրաժարվում է ցուցմունք տալ
Հիշեցնենք, որ Երեւան քաղաքի ընդհանուր իրավասության դատարանի դատավոր Արուսյակ Ալեքսանյանին...
«Հրապարակ». Իշխանությունն արտահերթ նիստերով փորձելու է սղղացնել աղմկահարույց նախագծերը
Դրանով Պետական պահպանության ծառայությունը կառանձնացվի ԱԱԾ մարմիններից եւ կդառնա առանձին...
Ամենաշատ