News
Լրահոս
News
Երեքշաբթի
Մարտ 19
Տեսնել լրահոսը

Եվրահանձնաժողովը նախատեսում է քննարկել բնական գազի գնի վերին սահմանաչափի ներդրման հնարավորությունը։ Այս մասին հայտնում է Bloomberg-ը՝ վկայակոչելով մի փաստաթուղթ, որը կներկայացվի անդամ երկրներին չորեքշաբթի։

Եվրահանձնաժողովը ԵՄ 27 կառավարությունների ճնշման տակ է՝ աննախադեպ էներգետիկ ճգնաժամի զսպման առաջարկներ ներկայացնելու համար, որը խթանում է գնաճը եւ սպառնում է ռեցեսիա առաջացնել: Սակայն մինչ ԵՄ որոշ երկրներ ցանկանում են գազի գնի սահմանաչափ սահմանել, հանձնաժողովը զգուշանում է այդպիսի որոշումից՝ ասելով, որ տարածաշրջանում վառելիքի պահանջարկի եւ մատակարարման անվտանգության ազդեցությունը գնահատելու համար ավելի շատ ժամանակ է պետք։

Հանձնաժողովի գործողությունների պլանը՝ գազի գների իջեցման, անկայունության նվազեցման եւ էներգակիրների շուկաներում առևտրի ծավալների ավելացմանն ուղղված ապագա քայլերի մանրամասն նկարագրությամբ, որը նախատեսված էր սեպտեմբերի 28-ին, հետաձգվում է հաջորդ շաբաթ, ասել են ԵՄ դիվանագետները:

Փոխարենը, հանձնաժողովը չորեքշաբթի ավելի տեխնիկական փաստաթղթում կքննարկի՝ արդյոք կարելի է գների սահմանափակումներ մտցնել:

Ավելի վաղ՝ այս ամսվա սկզբին ԵՄ գործադիր մարմինն անդամ երկրներին հայտնել էր, որ գազի գնի իջեցման համար նախատեսված նոր միջոցառումները հաշվի կառնեն մատակարարման անվտանգության վերաբերյալ մտահոգությունները, նպատակ կունենան կանխել գազի պահանջարկի ցանկացած աճ եւ աջակցել ներքին շուկային։ Այդ բոլոր խնդիրները վերջին մի քանի ամիսների ընթացքում բարձրացվել են ներմուծման կամ մեծածախ շուկաներում գների վերահսկման հակառակորդների կողմից:

Գազի սահմանաչափային գների մասին փաստաթուղթը նախ կքննարկեն ազգային կառավարությունների ներկայացուցիչները Բրյուսելում սեպտեմբերի 28-ին, իսկ հետո էներգետիկայի նախարարները կքննարկեն այն սեպտեմբերի 30-ին կայանալիք արտահերթ նիստին։ Փաթեթն արտակարգ իրավիճակների վճար, ավելի էժան էլեկտրաէներգիայի գնի սահմանաչափ եւ էլեկտրաէներգիայի պահանջարկը նվազեցնելու պարտադիր թիրախ է  ներառում: Իրացվելիության բարելավման, անկայունության նվազեցման եւ գազի գների իջեցման համար հետագա միջոցառումներն ավելի ուշ կձեռնարկվեն:

Պաշտոնյաների խոսքով՝ առնվազն 10 անդամ երկրներից բաղկացած խումբը, այդ թվում՝ Լեհաստանը եւ Հունաստանը, նախատեսում են կոչ անել հանձնաժողովին հնարավորինս շուտ բնական գազի բոլոր մեծածախ գործարքների գների առավելագույն շեմ առաջարկել։

Էներգետիկ ճգնաժամը նաեւ հոկտեմբերի 7-ին Պրահայում ԵՄ առաջնորդների ոչ պաշտոնական հանդիպման եւ Բրյուսելում հոկտեմբերի 20-21-ը նախատեսված եռամսյակային գագաթաժողովի առանցքային թեման կլինի։

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԵՄ-ն՝ Ռուսաստանում ընտրությունների մասին. քվեարկությունը «ազատ և արդար չէր»
Ռուսական իշխանությունները շարունակում են ուժեղացնել համակարգված ներքին ռեպրեսիաները...
Եվրահանձնակատարը հայտնել է, որ հակամարտությունն Ուկրաինայում փոխել է ԵՄ տնտեսական պատկերը
Հակամարտությունն Ուկրաինայում փոխել է պատկերը...
Ես ամաչում եմ այս մարդու վարքագծի համար. Մարուքյանը՝ Շառլ Միշելի մասին
Ես ուրախ եմ մի բանի համար, այս կեղծավորի պաշտոնավարման ժամկետը լրանում է...
Եվրահանձնաժողովը 500 միլիոն եվրո է հատկացրել զինամթերքի արտադրության համար
Բացի այդ, Եվրահանձնաժողովը սկսել է «աշխատանքային ծրագիր՝ միասնական գնումների միջոցով եվրոպական...
ԵՄ-ի հետ վիզային ռեժիմի դյուրացման հարցում զգալի հետընթաց է գրանցվել. Փոխարտգործնախարար
Նրա խոսքով, այս ուղղությամբ աշխատանքներ են տարվել բոլոր մակարդակներով։ Սակայն չի կարելի ասել, որ առաջընթաց է գրանցվել...
ՀՅԴ Հայ դատի Եվրոպայի գրասենյակի մեկնաբանությունը՝ Եվրոպական խորհրդարանի վերջին բանաձևի առթիվ
Եվրոպական խորհրդարանը 2024թ․ մարտի 13-ին ընդունել է «Եվրոպական միության և Հայաստանի միջև կապերի սերտացման և Ադրբեջանի ու Հայաստանի միջև...
Ամենաշատ