News
Լրահոս
News
Ուրբաթ
Դեկտեմբեր 02
USD
395.53
EUR
393.43
RUB
6.42
Տեսնել լրահոսը

Ճապոնիայում ավելի շատ ատոմակայանների գործարկումը կօգնի մեղմել ձմեռային էլեկտրամատակարարման հետ կապված Եվրոպայի անհանգստությունը, քանի որ ավելի շատ հեղուկ բնական գազ (ՀԲԳ) կհայտնվի համաշխարհային շուկայում:

Ճապոնիայի վարչապետ Ֆումիո Կիսիդան օգոստոսին ասել էր, որ երկիրը կվերագործարկի մի քանի կանգնած ատոմակայաններ եւ կդիտարկի հաջորդ սերնդի ռեակտորների ստեղծման հնարավորությունը, ինչը Ֆուկուսիմայի վթարից մեկ տասնամյակ անց հիմք կդնի միջուկային էներգետիկայի քաղաքականության լուրջ փոփոխության համար:

«Ես ուրախ եմ տեսնել, որ Ճապոնիան շարժվում է դեպի ատոմակայանների վերագործարկում»,- Տոկիոյում Միջազգային էներգետիկ համաժողովի ժամանակ ասել է ՄԷԳ-ի ղեկավար Ֆաթիհ Բիրոլը։

Նրա խոսքով՝ ինքը քննարկել է «կանաչ վերափոխման» ճապոնական նախաձեռնությունները, հատկապես միջուկային էներգիայի օգտագործումը:

Անցյալ տարի Բիրոլն ընդգծել էր, թե շատ կարեւոր է, որ աշխարհի խոշորագույն ՀԲԳ ներկրողներից մեկը՝ Ճապոնիան, վերադառնա միջուկային աղբյուրներին՝ հանուն ռեսուրսներով աղքատ երկրի էներգետիկ անվտանգության, կլիմայի փոփոխությունների դեմ պայքարի եւ տեղական արդյունաբերության մրցունակության բարձրացման:

«Ատոմակայանների վերագործարկումը լավ նորություն է Ճապոնիայի համար, բայց նաեւ մեծ օգնություն ձմռանը Եվրոպայի համար»,- ասել է նա։ «Եթե Ճապոնիան վերագործարկի (ավելի շատ) ատոմակայաններ, Ճապոնիան ավելի քիչ ՀԲԳ կներմուծի եւ ավելի շատ ՀԲԳ կհայտնվի շուկայում, ինչը կօգնի Եվրոպային գոյատեւել առաջիկա մի քանի ամիսների ընթացքում»,- ասել է նա:

Կիսիդան նաեւ հայտարարել է, որ մեկ միջուկային ռեակտորի վերագործարկումը տարեկան 1 մլն տոննա ՀԲԳ կթողարկի համաշխարհային շուկայի համար։

Ճապոնիայումի 5546 մեգավատ հզորությամբ 6 գործող ռեակտոր կա։ Մի քանիսն էլ դեռ անցնում են Ֆուկուսիմայի աղետից հետո ներդրված անվտանգության չափանիշներով վերալիցենզավորման գործընթացով:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Այս ձմռանը Ֆրանսիան մի քանի օրով կարող է հոսանքազրկվել
Իրավիճակը լարված է, բայց չպետք է կարծել, որ էլեկտրաէներգիայի անջատումներն անխուսափելի են․․․
Թուրքիան ծովում գազի հսկայական պահեստարան է տեղադրել
Թուրքիան ծովում 2 200 մետր խորության վրա գազի պահեստարան  է տեղադրել...
Սպառողների համար էլեկտրաէներգիայի սակագների վերանայման գործընթացը սկսվել է․ ՀԾԿՀ
Նա չկարողացավ ասել՝ սակագինը կփոխվի, թե ոչ․․․
ՄԷԳ-ի ղեկավարը հաջորդ տարի ավելի բարդ ձմեռ է կանխատեսում
Ներկայիս էներգետիկ իրավիճակը բարդացնում է այս ձմեռը, բայց հաջորդ տարին էլ ավելի ծանր կլինի․․․
Նախանշվել են ատոմային ոլորտում հայ-ռուսական համագործակցության ընդլայնման հեռանկարները
Ֆորումի շրջանակներում երիտասարդական թևի ներկայացուցիչներն առաջինը հնարավորություն ստացան դիտելու ամերիկացի ռեժիսոր Օլիվեր Սթոունի «Ատոմ»...
Նավթը թանկանում է
Չորեքշաբթի առավոտյան նավթի համաշխարհային գները բարձրանում են...
Ամենաշատ