News
Լրահոս
News
Երկուշաբթի
Նոյեմբեր 28
USD
395.53
EUR
393.43
RUB
6.42
Տեսնել լրահոսը

Վիետնամը փակել է օդանավակայանները, պարետային ժամ է հայտարարել եւ հազարավոր մարդկանց կոչ է արել տարհանվել՝ երկրում ուժգնացող «Նորու» թայֆունի պատճառով, փոխանցում է Reuters-ը։

Վիետնամում հարյուրավոր թռիչքներ չեղարկվել են, իսկ կենտրոնական նահանգներում հազարավոր մարդիկ սկսել են տարհանվել՝ սպասելով վերջին 20 տարվա ընթացքում երկրում տեղի ունեցած ամենասարսափելի փոթորիկներից մեկին:

Օդերեւութաբանական գործակալությունը հայտնել է, որ քամիները կարող են 183 կմ երկարության հասնել՝ հավելելով, որ ակնկալվում է, որ «Նորու»-ն ցամաքին կհասնի չորեքշաբթի, նախքան թուլանալը եւ դեպի Թաիլանդ շարժվելը:

Վիետնամում մոտ 270.000 զինվորական սպասման ռեժիմի են բերվել, քանի որ վարչապետ Ֆամ Մին Չինը կոչ է արել արագացնել պատրաստությունը։ «Տարհանումը պետք է որքան հնարավոր է շուտ իրականացվի, ընդ որում, գլխավոր առաջնահերթությունը մարդկանց կյանքն ու ունեցվածքն է»։

Սպասվում է, որ առավել մեծ վնաս կկրեն կենտրոնական Քուանգ Նգայ նահանգները, որտեղ խոշոր նավթավերամշակման գործարան կա, եւ Քուանգ Նամը, որտեղ գտնվում է Հոյան Համաշխարհային ժառանգության օբյեկտը:

Տեղական իշխանությունները նաեւ պարետային ժամ են սահմանել պոպուլյար զբոսաշրջային Դանանգ եւ Հյու քաղաքներում:

«Նորու»-ն այս տարի Ֆիլիպիններում տեղի ունեցած ամենաուժեղ փոթորիկն է եւ առնվազն ութ մարդու կյանք է խլել կիրակի երեկոյան ցամաքում մոլեգնելուց հետո՝ հեղեղելով գյուղատնտեսական հողերն ու համայնքները եւ մոտ 1.29 միլիարդ ֆիլիպինյան պեսոյի (21,82 միլիոն դոլար) վնաս հասցնելով բերքին, հիմնականում՝ բրնձին:

!
Այս նյութը հասանելի է նաև   Русский
Տպել
Ամենաշատ