News
Լրահոս
News
Կիրակի
Նոյեմբեր 27
USD
395.53
EUR
393.43
RUB
6.42
Տեսնել լրահոսը

«Հրապարակ» թերթը գրում է. «Մեր տեղեկություններով՝ երրորդ նախագահ Սերժ Սարգսյանի, նրա եղբորորդու՝ Նարեկ Սարգսյանի, Արմեն Չարչյանի եւ մի քանի աղմկահարույց քրեական գործեր քննած դատավոր Վահե Միսակյանի նկատմամբ կարգապահական վարույթ է հարուցվել: Վարույթն առաջին ատյանի դատավորի նկատմամբ հարուցվել է արդարադատության նախարար Կարեն Անդրեասյանի կողմից, ուղարկվել Բարձրագույն դատական խորհուրդ՝ քննության։

Իսկ թե ինչն է հիմք հանդիսացել կարգապահական վարույթ հարուցելու համար, փորձեցինք ճշտել դատավորից։ Նա, սակայն, չպատասխանեց մեր հարցին՝ նշելով, թե հեռախոսով մեկնաբանություն չի տալիս։

Արդարադատության նախարարությունից մեզ փոխանցեցին․ «Արդարադատության նախարարը, ղեկավարվելով «Հայաստանի Հանրապետության դատական օրենսգիրք» սահմանադրական օրենքի 147-րդ հոդվածի 5-րդ մասի 2-րդ կետով, 148-րդ հոդվածի 1-5-րդ մասերով, Երեւան քաղաքի առաջին ատյանի ընդհանուր իրավասության դատարանի դատավոր Վահե Միսակյանի նկատմամբ կարգապահական պատասխանատվության ենթարկելու միջնորդություն է ներկայացրել Բարձրագույն դատական խորհուրդ: 2022 թվականի հոկտեմբերի 6-ին՝ ժամը 15:00-ին, ԲԴԽ-ի կողմից նշանակվել է դռնբաց դատական նիստ:

Դատավորի կողմից, ըստ միջնորդության, թիվ ԵԴ/1067/01/19 քրեական գործով թույլ է տրվել Քրեական դատավարության օրենսգրքի 375-րդ հոդվածում ամրագրված պահանջների խախտում, որոնք իրենց հերթին հանգեցրել են «Հայաստանի Հանրապետության դատական օրենսգիրք» սահմանադրական օրենքի 69-րդ հոդվածի 1-ին մասի 1-ին կետով եւ 70-րդ հոդվածի 2-րդ մասի 6-րդ կետով սահմանված դատավորի վարքագծի կանոնների խախտման: Դատավորին բացատրություն ներկայացնելու հնարավորություն է տրվել, ու դատավորը ներկայացրել է բացատրություն»։

«Դատալեքս» դատական համակարգից տեղեկացանք, որ խոսքը վերաբերում է Արմեն Համլեթի Ավանէսի տվյալներով անձի քրեական գործին, որի շրջանակում էլ, ըստ նախարարության, դատավորը թույլ է տվել վարքագծի կանոնների խախտում։

«Արմեն Համլեթի Ավանէսիին մեղադրանք է առաջադրվել այն բանի համար, որ նա 2019թ. մայիսի 16-ին, ժամը 13:00-ի սահմաններում, Երեւան քաղաքի Հալաբյան փողոցի 41Ա հասցեում գտնվող ՀՀ ԱՆ ԴԱՀԿ ծառայության «Հեքիաթային» սենյակում որդու` Ալեքսանդր Ավանէսիի հետ հերթական անգամ տեսակցելու ժամանակ վերջինիս հետ գնացել է նշված սենյակում գտնվող սանհանգույց, ինչից հետո սանհանգույցի մուտքի դռանն է մոտեցել նախկին կինը` Թամմի Ավանսին, ով գտնվել է սանհանգույցի մուտքի դռան եւ դռան շրջանակի միջնամասում։ Դա նկատելով՝ Ա. Ավանէսին դիտավորությամբ սանհանգույցի դուռը փակելու եղանակով 3 անգամ հարվածել է նրան՝ վերջինիս առողջությանը պատճառելով թեթեւ վնասի հատկանիշներ չպարունակող մարմնական վնասվածքներ»,- նշված է Դատալեքսում։

Դատավոր Միսակյանն առաջադրված մեղադրանքում արդարացրել է ամբաստանյալին՝ հռչակելով նրա անմեղությունը։ Սակայն, ըստ մեզ հասած լուրերի, կարգապահական վարույթի հիմք է հանդիսացել այն, որ արդարացման որոշումն ուշ է տրամադրվել կողմերին»:

Առավել մանրամասն՝ թերթի այսօրվա համարում

Տպել
Կարդացեք նաև
Ամբողջը
Երկու տարի է ծառայում եմ ժողովրդիս նախարարի դերում, ամեն առավոտ ինձ աշխատանքի տարել է վառ ապագայի հավատը. Քերոբյան
Սովորության համաձայն կարելի էր գրել նվաճումների մասին, բայց մեր առջև դեռ ահռելի դժվարություններ կան, ուստի, ոչ թե արդյունքներն հաշվելու, այլ աշխատանքը բազմապատկելու ժամանակ է...
«Ժողովուրդ». ՀՀ ոստիկանության հայցը՝ ընդեմ 44-օրյա պատերազմի զինվորների ծնողների կկասեցվի
Հիշեցնենք, որ ԱԺ մարդու իրավունքների պաշտպանության եւ հանրային հարցերի մշտական հանձնաժողովի...
«Ժողովուրդ». Նորանշանակ գլխավոր դատախազը փորձել է Յուրի Խաչատուրովի որդուն կալանավորել
Մեզ հասած տեղեկությունների համաձայն՝ հոկտեմբերի 25-ին ՀՀ վճռաբեկ դատարան է դիմել գլխավոր դատախազի...
«Փաստ». Ինչո՞ւ ընտրվեց Մարտիրոսյանը. լարվածություն Փաշինյանի ու ԲԴԽ նախագահի հարաբերություններում
Ի դեպ, նա այն քիչ դատավորներից է, որ 2018 թվականի իշխանափոխությունից հետո էլ դարձավ այս իշխանության...
«Հրապարակ». Կարեն Անդրեասյանը մերձեցման երեկո է կազմակերպել դատական համակարգի ներկայացուցիչների հետ
Ի՞նչ հավաք է եւ ի՞նչ նպատակով․ մեր հարցին ի պատասխան՝ ԲԴԽ մամուլի խոսնակը փոխանցեց...
«Ժողովուրդ». Փաշինյանը կուսակցության ներսում վերանայում է իր սիրելիների ու հավատարիմների ցանկը
Նրանք, ըստ երեւույթին, ավելի հաճախ են «լայքում» կամ տարածում վարչապետի գրառումներն ու ավելի հաճախ են...
Ամենաշատ