ԵՄ-ն կխստացնի դաշինքի ներսում ռուսաստանցիների կրիպտո ներդրումների սահմանափակումները՝ որպես պատժամիջոցների նոր փաթեթի մաս, գրում է CoinDesk-ը։

Կրիպտոարժույթի ակտիվների նախկին սահմանափակումը՝ 10 000 եվրոյի չափով, կհանվի, ասել է պորտալի աղբյուրը։ Դա նշանակում է, որ ռուսաստանցիները չեն կարողանա որեւէ ակտիվ պահել ԵՄ կրիպտո դրամապանակներում։

Ապրիլին ԵՄ-ն հայտարարել է, որ կսահմանափակի ռուսական վճարումները եվրոպական կրիպտո դրամապանակներին մինչեւ 10 000 եվրոյի չափով, քանի որ ցանկանում է դադարեցնել թվային ակտիվների օգտագործումը՝ խոշոր բանկային փոխանցումների սահմանափակումները շրջանցելու համար: Նոր միջոցները նշանակում են, որ այդ ցուցանիշն այժմ կարող է զրոյի հասցնել:

Փաթեթի մասին ամբողջական տեղեկություն դեռ չի հրապարակվել, քանի որ այն դեռեւս ենթակա է ԵՄ անդամ երկրների հետ համաձայնեցման։