News
Լրահոս
News
Հինգշաբթի
Մարտ 28
Տեսնել լրահոսը

ԱՄՆ նախագահի թեկնածու Ռոբերտ Ֆ. Քենեդիին 1968թ. սպանած Սիրհան Սիրհանի փաստաբանը դատավորին խնդրել է ազատ արձակել նրան։ Դատարանին ուղղված իր տեսաուղերձում Սիրհանը հավաստիացրել է, որ ամեն օր խղճի խայթ է զգում այդ արարքի համար եւ ցանկանում է «վերադառնալ տուն, եղբոր մոտ եւ մնացած կյանքն ապրել հանգստության մեջ», տեղեկացրել է AP-ը։

78-ամյա Սիրհանը բանտում անցկացրել է 54 տարի։ «Ես կյանքս նվիրել եմ ինքնակատարելագործմանը, մյուս բանտարկյալներին սովորեցնելով, թե ինչպես բռնության վրա չհիմնված խաղաղ կյանքով ապրեն»,- ասել է նա։

Սիրհանը Քենեդիին սպանել էր մի քանի վայրկյան հետո, երբ ԱՄՆ սենատորը (Նյու Յորքից) հայտնել էր նախագահական ընտրություններում Կալիֆոռնիայում դեմոկրատների հաղթանակի մասին։ Նա Լոս Անջելեսի  «Ամբասադոր» հյուրանոցում հրաձգության ժամանակ վիրավորել էր հինգ մարդու։

Սկզբում Սիրհանը դատապարտվել էր մահապատժի, բայց այդ դատավճիռը փոխարինվել էր ցմահ բանտարկությամբ, երբ Կալիֆոռնիայի գերագույն դատարանը ոչ երկար ժամանակով մահապատիժը օրենքից դուրս էր հայտարարել 1972թ.։

15 անգամ մերժել են ժամկետից շուտ պայմանական ազատ արձակելու նրա խնդրանքը, մինչեւ որ անցած տարի խորհուրդը երաշխավորել է ազատ արձակել նրան։ Բայց Կալիֆոռնիայի նահանգապետ Գեւին Նյուսամը մերժել է երաշխավորությունը՝ հայտարարելով, որ Սիրհանը սպառնալիք է մնում հասարակության համար եւ չի ստանձնել այն հանցագործության պատասխանատվությունը, որը փոխել է ամերիկյան պատմությունը։

Սիրհանի փաստաբան Անջելա Բերին չորեքշաբթի խնդրագիր է ներկայացրել Լոս Անջելեսի օկրուգի գերագույն դատարանի դատավորին՝ խնդրելով չեղարկել Նյուսամի որոշումը։ Նա ասել է, որ չկա որեւէ ապացույց, որ Սիրհանը դեռ վտանգավոր է։

Սիրհանի կրտսեր եղբայրը՝ Մունիր Սիրհանը, ասել է, որ եղբայրը կարող է ապրել իր հետ Փասադենայում (Կալիֆոռնիայի նահանգ), եթե ժամանակից շուտ պայմանական ազատ արձակվի։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կոլորադոյի նահանգում կործանվել է  AH-64E Apache ուղղաթիռը
Զորավարժությունների ժամանակ ամերիկյան հարվածային ուղղաթիռ է կործանվել...
Մեկ օրում բացահայտվել է հանցագործության 72 դեպք. Գրանցվել է 16 ավտովթար. զոհվել է 3, վիրվորվել՝ 29 մարդ
Ըստ ոստիկանության օպերատիվ հաղորդագրությունների ամփոփագրերի՝ մարտի...
Իսպանիայում տղամարդը կացնով գրոհել է McDonald's ռեստորանը
Տղամարդը կացնով կոտրել է ռեստորաններից մեկի ցուցափեղկը...
Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է
ՀՀ քննչական կոմիտեի Կոտայքի մարզային քննչական վարչությունում...
ՆԱՏՕ-ի նավթատարի վթարի պատճառով լիճը Թուրքիայում ծածկվել է մազութի շերտով. Milliyet
Մազութի թանձր շերտը ծածկել է Սափանջա լիճը...
Ճապոնիայում արդեն մահացել է կարմիր բրնձի սննդային հավելում օգտագործած չորս մարդ
Սննդային հավելումների օգտագործման հետեւանքով Ճապոնիայում մարդիկ են մահացել...
Ամենաշատ