News
Լրահոս
News
Հինգշաբթի
Մարտ 28
Տեսնել լրահոսը

Ջո Բայդենի վարչակազմում եւ դրանից դուրս կոչեր են հնչում ներգրավել Չինաստանին եւ Հնդկաստանին՝ Ռուսաստանի նախագահ Վլադիմիր Պուտինի վրա ճնշումն «ուժեղացնելու համար»՝ ազդարարելով, որ նույնիսկ սահմանափակ միջուկային հարվածն Ուկրաինայի վրա կարող է կտրել Ռուսաստանի այն մի քանի գլոբալ փրկող կապերը, որոնք դեռ մնացել են, գրում է Politico-ն։

«Նրանք կարող էին հայտնել պարոն Պուտինին, թե որքան աղետալի վատ գաղափար կլիներ միջուկային զենքի ցանկացած օգտագործում,- ասել է ամերիկացի պաշտոնյան:- Նրանք պետք է դա անեն: Հուսով եմ, որ նրանք կանեն դա»,- հավելել է նա:

Պետքարտուղարության բարձրաստիճան պաշտոնյան հայտարարել է, որ ամերիկացի դիվանագետները ճնշում են գործադրում տարածաշրջանում Ռուսաստանի բարեկամների եւ թշնամիների վրա, որպեսզի ստիպեն Պուտինին չընտրել միջուկային ճանապարհը:

«Հնդխաղաղօվկիանոսյան տարածաշրջանի երկրների՝ դաշնակիցների, գործընկերների կամ այլ երկրների հետ մի շարք զրույցներում մենք ընդգծել ենք Ուկրաինայում միջուկային զենքի կիրառման դեմ միասնական գործողությունների կարեւորությունը»,- ասել է պաշտոնյան:

Մինչդեռ Բայդենի վարչակազմը պայքարում է, որպեսզի ՄԱԿ-ը քայլեր ձեռնարկի Ռուսաստանի դեմ: Ճանապարհներից մեկը ՄԱԿ-ի Անվտանգության խորհուրդը շրջանցելով, որտեղ Ռուսաստանը վետոյի իրավունք ունի, բանաձեւ ընդունումն է, որը դատապարտում է «Արեւելյան Ուկրաինայի մեծ մասի բռնակցման» Մոսկվայի պլանները եւ կոչ է անում Ռուսաստանին «դուրս բերել իր բոլոր զորքերը», հայտարարել են ԱՄՆ ներկայացուցիչները։

Պաշտոնյաները քննարկում են ՄԱԿ-ի կանոնադրության քիչ հայտնի դրույթն օգտագործելու հարցը, որը ղեկավար մարմինն օգտագործել էր նաեւ 1950-ին՝ Հարավային Կորեայի վրա Հյուսիսային Կորեայի հարձակումից հետո:

Սակայն ԱՄՆ պաշտոնյաները կարծում են, որ Պուտինի դիրքորոշումը փոխելու ամենախոստումնալից ուղիներից մեկը Չինաստանի նախագահ Սի Ծինփինին եի Հնդկաստանի վարչապետ Նարենդրա Մոդիին ներգրավելն է, որոնք, ԱՄՆ-ի եւ Եվրոպայի ներկայիս եւ նախկին պաշտոնյաների կարծիքով, զգալի ազդեցություն ունեն Պուտինի վրա:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Բունդեսվերը Ուկրաինայի ԶՈւ-ին կհանձնի 10 000 արկեր. գերմանացի գեներալ
Առաջիկա օրերին Գերմանիան Ուկրաինային կտա 10 հազար հրետանային արկեր...
ԱՄՆ-ն և Թուրքիան բանակցություններ են վարում Ուկրաինայի համար պայթուցիկ նյութերի գնումներն ավելացնելու շուրջ. Bloomberg
Հայտարարության մեջ, որը կարևորում է Տեխասի և թուրքական արդյունաբերության մեջ ներդրումները...
Մակրոնի հայտարարությունն Ուկրաինա զորքեր ուղարկելու մասին զայրացրել է ամերիկացի պաշտոնյաներին. Bloomberg
Մակրոնի խոսքերը կարող էին հակառակ ազդեցություն ունենալ...
Ֆրանսիան շուտով Ուկրաինային 78 «Caesar» հաուբից կմատակարարի. Լըկորնյու
Նախարարը նշել է, որ Ֆրանսիան միաժամանակ մտադիր է այս տարի 155 մմ տրամաչափի զինատեսակների համար 80 հազար արկ մատակարարել․․․
Զելենսկին Դանիլովին ազատել է Ուկրաինայի ազգային անվտանգության և պաշտպանության խորհրդի քարտուղարի պաշտոնից
Այս պաշտոնում է նշանակվել Արտաքին հետախուզության ծառայության ղեկավար Ալեքսանդր Լիտվինենկոն...
Սպիտակ տունը մեղադրել է Ներկայացուցիչների պալատի խոսնակին Կիեւին ռազմական օգնություն չտրամադրելու ցանկության մեջ
Մայք Ջոնսոնը չի ցանկանում ռազմական օգնություն տրամադրել Ուկրաինային...
Ամենաշատ