Շվեդիայի առափնյա պահպանությունը հայտնաբերել է գազի չորրորդ արտահոսքը վնասված «Հյուսիսային հոսք» գազատարներում, գրում է Reuters-ը։
Եվրամիությունը խոստացել է «կոշտ» պատասխան տալ իր էներգետիկ ենթակառուցվածքի ցանկացած միտումնավոր խախտմանը:
Հինգշաբթի հաղորդված արտահոսքը Շվեդիայի ջրերում հայտնաբերված երկրորդ արտահոսքն է, եւս երկուսը հայտնաբերվել են Դանիայի ջրերում:
Թեեւ ենթադրյալ վնասի պահին խողովակաշարերից ոչ մեկը չի շահագործվել, դրանք լցված են գազով, որը երկուշաբթի օրվանից ցայտում եւ փրփրում է Բալթիկ ծովի մակերեսին:
Դանիայի իշխանությունները հայտնել են նաեւ իրենց բացառիկ տնտեսական գոտում գտնվող գազատարի երկու հատվածներից մեկական արտահոսքի մասին: