«Հյուսիսային հոսքերում» տեղի ունեցած միջադեպը կարող էր ահաբեկչություն լինել․ Կրեմլ։ Այս մասին հայտարարել է ՌԴ նախագահի խոսնակ Դմիտրի Պեսկովը, գրում է ՏԱՍՍ-ը։ Նրա խոսքով՝ «անհնար է պատասխանել Ռուսաստանի Դաշնության եւ ԱՄՆ-ի միջեւ արտակարգ իրավիճակի հետաքննության հնարավոր համագործակցության մասին հարցին, քանի որ չկա որեւէ առարկայական շփում եւ համագործակցություն անվտանգության մարմինների միջեւ»:
«Միեւնույն ժամանակ, թվում է, թե սա ինչ-որ ահաբեկչական գործողություն է, հնարավոր է պետական մակարդակով, իհարկե, պահանջում է շատ ակտիվ, եռանդուն համագործակցություն։ Սա չափազանց վտանգավոր իրավիճակ է, որը պահանջում է շտապ հետաքննություն»,-ընդգծել է Պեսկովը։
Հարցին, թե արդյոք Մոսկվան կդիմի կատարվածի միջազգային հետաքննության, նա ասել է. «Ամեն ինչ կախված կլինի իրավիճակից»։
