News
Լրահոս
News
Ուրբաթ
Դեկտեմբեր 02
USD
395.53
EUR
393.43
RUB
6.42
Տեսնել լրահոսը

Կոռումպացված համակարգի նախկին աշխատակիցը, նախկին մեղադրյալը, արգելանքի տակ է դրել «Ժողովուրդ» օրաթերթի եւ ArmLur.am կայքի բանկային հաշիվները: Այս մասին հայտարարություն է տարածել «Ժողովուրդ» օրաթերթի եւ ArmLur.am կայքի խմբագրությունը:

Հայտարարությունում ասվում է.

«Իսկ ինչի՞ց է սկսվել պատմությունը

2021 թվականի օգոստոսի 10-ին «Ժողովուրդ» օրաթերթը մի հոդված էր հրապարակել այն մասին, որ որպես առողջապահության փոխնախարարի` շրջանառվում է Սամվել Խարազյանի անունը, ով «նախկինների օրոք» երկար տարիներ աշխատել է կոռուպցիոն սկանդալներով հայտնի` Պետական առողջապահական գործակալությունում` որպես բաժնի պետ, եւ, որ ամենաուշագրավն է, ՊԱԳ այդ ժամանակվա պետ Սարո Ծատուրյանի հետ անգամ հասցրել է ձերբակալվել՝ պաշտոնեական դիրքի չարաշահման մեղադրանքով: Հիշեցնենք, որ երկար տարիներ ՊԱԳ-ում էր աշխատել Արսեն Թորոսյանի կողմից փոխնախարար նշանակված Արսեն Դավթյանը, ով վերջերս դատապարտվեց 7 տարվա ազատազրկման՝ առանձնապես խոշոր չափով կաշառք ստանալու համար։ Այս հոդվածը ամբողջությամբ, իսկ վիճարկվող մասը հատկապես` հիմնված է պաշտոնական տեղեկության եւ գնահատողական դատողության վրա, որը էլի՛ հիմնված էր պաշտոնական տեղեկությունների վրա: Այսինքն՝ Առողջապահության պետական գործակալությունը իրապես եղել է Հայաստանի ամենակոռումպացված համակարգերից մեկը, եւ շարունակում է մնալ, ինչի մասին բոլորովին վերջերս հանրային հեռուստաընկերության եթերում հայտարարեց նաեւ ՊՎԾ պետ Ռոմանոս Պետրոսյանը: Իսկ կոնկրետ Սամվել Խարազյանի մասով տեղեկությունը, որ նա ձերբակալված է եղել եւ անցել է մի քրեական գործով, որը հիմնված էր ՀՀ իրավապահներից ստացված պաշտոնական տեղեկության վրա: Բայց հայցվորը, առանց մեզ հերքման պահանջ ներկայացնելու, միանգամից դատարան է դիմել:

Հիմնազուրկ դատավճիռը

Եւ ահա Երեւան քաղաքի դատարանի դատավոր Լիզա Գրիգորյանը 13.04.2022-ին կայացրել է դատավճիռ. «Պարտավորեցնել պատասխանող «Ժողովուրդ թերթի խմբագրություն» ՍՊ ընկերությանը հրապարակային ներողություն խնդրել հայցվորի վերաբերյալ կատարած վիրավորական արտահայտությունների համար՝ « … Օրինակ՝ առողջապահության համակարգից մեզ հասած տեղեկություններով՝ որպես առողջապահության փոխնախարար շրջանառվում է Սամվել Խարազյանի անունը, որը «նախկինների օրոք» երկար տարիներ աշխատել է կոռուպցիոն սկանդալներով հայտնի Պետական առողջապահական գործակալությունում՝ որպես բաժնի պետ, եւ որ ամենաուշագրավն է, ՊԱԳ այդ ժամանակվա պետ Սարո Ծատուրյանի հետ անգամ հասցրել է ձերբակալվել՝ պաշտոնեական դիրքի չարաշահման մեղադրանքով (այդ թեմային «Ժողովուրդը» մի քանի անգամ անդրադարձել է)։ …. հեղափոխական իշխանությունների միակ հույսը մնացել են «նախկիններից» մնացած, բայց ոչ թե իրական պրոֆեսիոնալ, այլ կոռումպացված կադրերը», որոնք հիմնված չեն փաստերի և բավարար փաստակազմի վրա: «Ժողովուրդ թերթի խմբագրություն» ՍՊ ընկերությունից հօգուտ Սամվել Ջանիբեկի Խարազյանի բռնագանձել 150.000 ՀՀ դրամ` որպես փաստաբանի խելամիտ վարձատրության գումար: «Ժողովուրդ թերթի խմբագրություն» ՍՊ ընկերությունից հօգուտ Սամվել Ջանիբեկի Խարազյանի բռնագանձել 4.000 ՀՀ դրամ` որպես նախապես վճարված պետական տուրքի գումար»: Ի՞նչ է ստացվում. լրագրողը հրապարակել է նյութ՝ բացառապես հենվելով ՀՀ քննչական կոմիտեից ստացված պաշտոնական տեղեկությունների վրա եւ դատավոր Լիզա Գրիգորյանը վճռել է, թե անհիմն վիրավորանք է հնչվել: Հետաքրքիր է, թե փաստական ի՞նչ հանգամանքներ է ուսումնասիրել դատավոր Գրիգորյանը, որ զրպարտություն է համարել ակնհայտ ճշմարտությունները:

Իսկ ո՞վ է հայցվորը

«Ասիական զարգացման բանկի» բժշկական ապահովագրության գծով փորձագետ Սավել Խարազյանն է հայցվորը, որը աշխատել է Հայաստանի` իսկապես ամենակոռումպացված համակարգերից մեկում եւ անցել մի քրեական գործով՝ պաշտոնական դիրքի չարաշահման հատկանիշներով. ձերբակալվել է, նրա նկատմամբ ընտրվել է խափանման միջոց՝ երկրից չբացայակելու վերաբերյալ: Այնուհետեւ վերաորակվել է այս գործը`որպես պաշտոնական անփությություն: Վերաորակվել է, քանի որ Սամվել Խարազյանը զղջացել է կատարած հանցավոր արարքների համար, պետությանը հասցված վնասը վերականգնել է, ինչի հիմքով էլ քրգործը կարճվել է:

Կցում ենք նաեւ ՀՀ Քննչական կոմիտեի կողմից տրված պաշտոնական պատասխանը: ՀՀ Քննչական կոմիտի պատասխանի բովանդակությունը թույլ է տալիս գնահատել, որ դատավոր Լիզա Գրիգորյանը ակնհայտ ոչ օրինական եւ կողմնակալ վճիռ է կայացրել, որի բողոքարկման ժամկետը օբյեկտիվ պատճառներով բաց ենք թողել (պատերազմական իրավիճակով պայմնավորված):

Հ. Գ. Սամվել Խարազյանը փաստաբան Տիգրան Եգորյանի ձեռքով եւս մեկ հայց է ուղարկել դատարան՝ դարձյալ նույն հիմքով, թե ինչու՞ ենք հիշեցնում՝ ով է եղել նախկինում Սամվել Խարազյանը, ով իրեն այսօր անկախ փորձագետ է ներկայացնում:

«Ժողովուրդ» օրաթերթը հետամուտ է լինելու իր իրավունքների պաշտպանության հարցում եւ գնալու է մինչեւ վերջ: Մենք պետք է մեր բնականոն գործունեությունը կարողանանք վերականգնել և ազատ տիրապետել մեր ֆինանսական միջոցներին: Մեզ արգելանքներով չե՛ք կարող վախեցնել:

«Ժողովուրդ» օրաթերթի եւ ArmLur.am կայքի խմբագրություն

Տպել
Կարդացեք նաև
Ամբողջը
ԱԺ պաշտպանության եւ անվտանգության մշտական հանձնաժողովի նիստը մեկնարկեց ԶԼՄ-ների հասցեին հերթական քննադատությամբ
Պատճառը հանձնաժողովի նախագահ, «Քաղաքացիական պայմանագիր» խմբակցության պատգամավոր ․․․
Պետք է գնահատենք ու արժանին մատուցենք հեռուստատեսության բոլոր ժամանակների աշխատողներին. Վահագն Խաչատուրյանի ուղերձը
Սրտանց շնորհավորում եմ Ձեզ հեռուստատեսության աշխատողի օրվա կապակցությամբ…
Բացառիկ դասընթացներ Երևանում՝ Վիկտոր Սողոմոնյանից
Մենք կապ հաստատեցինք Սողոմոնյանի հետ և փորձեցինք մանրամասներ պարզել կայանալիք դասընթացների վերաբերյալ...
Բացառիկ դասընթացներ՝ գործող և ապագա լրագրողների համար
Քաղաքական գիտությունների դոկտոր, պրոֆեսոր Վիկտոր Սողոմոնյանն արդեն շուրջ հինգ տարի է՝ հատուկ դասընթացներով հանդես է գալիս...
Պուտինը ռազմական թղթակից Սեմյոն Պեգովին պարգեւատրել է Արիության շքանշանով
Կրեմլի մամուլի ծառայության հաղորդմամբ՝ Պեգովը պարգեւատրվել է «մասնագիտական պարտքը կատարելիս դրսեւորած արիության, խիզախության եւ անձնազոհության համար»․․․
BBC-ին մեղադրել են ադրբեջանական բռնապետությանն արդարացնելու մեջ
Օգոստոսին BBC World News-ի հեռուստադիտողներին խոստացել էին, որ նրանք կիմանան, թե ․․․
Ամենաշատ