Վաղ է խոսել ՀԱՊԿ-ից Հայաստանի դուրս գալու մասին։ Այս մասին սեպտեմբերի 29-ին Ազգային ժողովում լրագրողների հետ զրույցում ասաց ԱԺ պաշտպանության և անվտանգության հարցերի մշտական հանձնաժողովի նախագահ, «Քաղաքացիական պայմանագիր» խմբակցության պատգամավոր Անդրանիկ Քոչարյանը։
Միաժամանակ նա նշեց, որ Հայաստանը ցանկանում է, որ կազմակերպությունն ավելի ակտիվ մասնակցություն ունենա երկրի սահմաններին խաղաղության և կայունության ապահովման գործում։
«Հոկտեմբերին ես հնարավորություն կունենամ անձամբ զրուցել ՀԱՊԿ գլխավոր քարտուղար Ստանիսլավ Զասի հետ»,-ասաց պատգամավորը։
