News
Լրահոս
News
Ուրբաթ
Դեկտեմբեր 02
USD
395.53
EUR
393.43
RUB
6.42
Տեսնել լրահոսը

Ադրբեջանի ճնշումը, հնարավոր է, շարունակվի, եւ որքան էլ ցինիկ հնչի, գործող իշխանություններին այն նույնպես ձեռնտու է, որպեսզի կոտրի հանրության դիմադրությունը եւ ստիպի հաշտվել խաղաղության պայմանագրի կետերի հետ։ Այս մասին NEWS.am-ի թղթակցի հետ զրույցում ասաց քաղաքագետ Ստեփան Դանիելյանը։

Նա պարզաբանեց, որ Ադրբեջանին անհրաժեշտ է միջանցք, որի արդյունքում Հայաստանը կկորցնի ողջ Սյունիքը, որով կանցնեն գազատարներն ու նավթատարները։ Այս ծրագրի հետեւում կանգնած են ուժեղ տերություններ, որոնք աջակցում են Ադրբեջանին։

«Բաքուն նաեւ 2020 թվականին գիտեր, որ ինքը դիվանագիտական տանիք ունի։ Դրա դրսեւորումը Մեծ Բրիտանիայի վետոն էր ՄԱԿ Անվտանգության խորհրդի բանաձեւի վրա։ Ադրբեջանը հիմա էլ քարտ-բլանշ է ստացել։ Արեւմտյան երկրները հայտարարություններից բացի, ոչինչ չեն անում, պատժամիջոցներ չեն սահմանում։ Սա միասնական քաղաքական գիծ է»,- ընդգծեց Դանիելյանը։

Մեկնաբանելով Լեւոն Տեր-Պետրոսյանի հայտարարությունները՝ փորձագետը կոչ արեց նախ ճշտել, թե ինչ փաստաթղթերի մասին է խոսքը, որոնք պետք է ստորագրվեն։

«Ադրբեջանը 1994-ի դաժան պարտությունից հետո ամենուր շեփորում էր, որ իբր խախտվել է իր տարածքային ամբողջականությունը, եւ Հայաստանը չգնաց Արցախի ճանաչման ճանապարհով, թեեւ կարող էր՝ հղում անելով Կոսովոյի նախադեպին եւ ՄԱԿ-ի բանաձեւին։

Հիմա Ադրբեջանը, օգտվելով աշխարհում ստեղծված իրավիճակից, ուզում է հասնել նրան, որ Հայաստանը հրաժարվի Արցախից, ինչպես նաեւ ուզում է թուրքական միջանցք բացել՝ Հայաստանի վերահսկողությունից դուրս»,- հավելեց նա։

Ավելի վաղ Հայաստանի պաշտպանության նախարարությունը հայտնել էր, որ ժամը 18:00-ից ադրբեջանական զինուժը ականանետերից եւ խոշոր տրամաչափի հրետանային զինատեսակներից սկսել է գնդակոծել սահմանի արեւելյան ուղղությամբ հայկական դիրքերը։ Հայկական կողմը դիմել է պատասխան գործողությունների։ Ադրբեջանական սադրանքի հետեւանքվ երեք հայ զինծառայող է զոհվել։

Ավելի ուշ ՊՆ-ն հայտնեց, որ ժամը 22:00-ի դրությամբ իրավիճակը հայ-ադրբեջանական սահմանին համեմատաբար կայունացել է։

Վերջին տեղեկությունների համաձայն՝ իրավիճակը հայ-ադրբեջանական սահմանին մնում է անփոփոխ։

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԱՄՆ-ն ամենաբարձր մակարդակում աջակցում է հայ-ադրբեջանական ուղիղ բանակցություններին. Ռիքեր
Միացյալ Նահանգներն ամենաբարձր մակարդակում՝ ի դեմս պետքարտուղար Էնթոնի Բլինքենի և Ազգային անվտանգության հարցերով խորհրդական Ջեք Սալիվանի…
Ադրբեջանի շարունակական ագրեսիաները մարտահրավեր են խաղաղության հաստատմանն ուղղված միջազգային ջանքերին. Միրզոյան
Հայաստանի և Հյուսիսային Մակեդոնիայի ԱԳ նախարարների հանդիպումը...
«Եռաբլուրում» զինվորական կարգով հուղարկավորեցին սեպտեմբերյան ագրեսիայից զոհված Գայանե Աբգարյանին
Գայանե Աբգարյանը ծառայում էր Զինված ուժերում, 4 երեխաների մայր էր։ Նա ապրում էր Արմավիրի մարզում...
Լեմկինի ինստիտուտը միջազգային հանրությանը կոչ է արել հետևել Ֆրանսիայի Ազգային ժողովի օրինակին
Մենք կոչ ենք ենք անում միջազգային հանրության մյուս անդամներին հետևել այս...
Ավստրալիայի New South Wales նահանգի խորհրդարանում Բաքվին դատապարտող և ՀՀ-ից զորքերը դուրս բերելու բանաձև են նախաձեռնել
Իրավունքի և արդարության կենտրոն «Թաթոյան» հիմնադրամի տնօրեն Արման Թաթոյանի ներկայացրած փաստերից, հիմնավորումներից հետո Ավստրալիայի…
ՀՀ ՄԻՊ-ը Ռիքերին է ներկայացրել ռազմագերիների և անհետ կորածների ընտանիքների խնդիրները
Ներկայացրել է ՄԻՊ վերջին արտահերթ զեկույցները, որոնք վերաբերում են քաղաքացիական բնակչության թիրախավորմանն ու արձանագրված…
Ամենաշատ