Ադրբեջանում Իրանի դեսպանատան դիմաց ակցիա է տեղի ունեցել, հայտնում է ադրբեջանական АПА գործակալությունը։
«Ակցիայի մասնակիցները բողոք են հայտնել Իրանում վերջին օրերի իրադարձությունների դեմ։ Ցուցարարները հայտարարությամբ են հանդես եկել։ Այն հանձնվել է դեսպանության աշխատակցին։
Նրանք վանկարկել են «Ազատությո՛ւն Հարավային Ադրբեջանին», «Կորչի՛ մոլլաների ռեժիմը», «Կորչի՛ բռնապետը» եւ այլ կարգախոսներ»,- գրում է АПА-ն։
Նշվում է, որ ոստիկանությունը հետ է մղել ցուցարարներին։