News
Լրահոս
News
Ուրբաթ
Դեկտեմբեր 02
USD
395.53
EUR
393.43
RUB
6.42
Տեսնել լրահոսը

ԱՄՆ նախկին նախագահ Դոնալդ Թրամփը կարծում է, որ «Հյուսիսային հոսք» գազատարների արտահոսքերը կարող են «խոշոր էսկալացիայի կամ պատերազմի» հանգեցնել։

Business Insider-ի փոխանցմամբ՝ նա Truth Social-ում մի շարք գրառումներում առաջարկել է թիմ ղեկավարել՝ երկու պատերազմող ազգերի միջեւ խաղաղություն հաստատելու համար:

Թրամփը հայտարարել է, որ գազատարները դիվերսիայի են ենթարկվել։ Նա ԱՄՆ վարչակազմին կոչ է արել մնալ «սառը, հանգիստ» այս խնդրի լուծման հարցում եւ ընդգծել է, որ իրավիճակը չպետք է «մեծ որոշման հանգեցնի»։ «ԱՄՆ-ի ղեկավարությունը պետք է «սառնասիրտ, հանգիստ» մնա «Հյուսիսային հոսք» խողովակաշարերի ՍԱԲՈՏԱԺԻ նկատմամբ։ Դա մեծ իրադարձություն է, որը չպետք է մեծ որոշում ենթադրի, համենայնդեպս՝ առայժմ»,- գրել է Թրամփը։

Ընդգծելով, որ իրավիճակը չպետք է «վատանա»՝ նա կոչ է արել «ռազմավարական եւ խելամիտ» քայլեր ձեռնարկել եւ բանակցություններ վարել՝ համաձայնության գալու համար. «Մի սրեք իրավիճակը խողովակաշարի պայթյունով։ Մտածեք ռազմավարական, եղեք խելացի։ Համաձայնեցված գործարքը կնքեք ՀԻՄԱ»: Երկու կողմերի միջեւ բանակցային թիմ ղեկավարելու պատրաստակամություն հայտնելով՝ Թրամփն իր գրառման մեջ գրել է. «Երկու կողմերն էլ դրա կարիքն ունեն եւ ցանկանում են դա։ Վտանգված է ամբողջ աշխարհը: Ես կգլխավորեմ խումբը»։ Նա նաեւ կրկնել է, որ Ռուսաստանի եւ Ուկրաինայի միջեւ պատերազմ չէր լինի, եթե ինքն ԱՄՆ նախագահ լիներ։

 

!
Այս նյութը հասանելի է նաև   Русский
Տպել
Ամենաշատ