Քննարկվում է Հավաքական անվտանգության պայմանագրի կազմակերպության (ՀԱՊԿ) դիտորդների օգտագործման հնարավորությունը՝ Ադրբեջանի, Հայաստանի եւ Ռուսաստանի ղեկավարների միջեւ պայմանավորվածությունների իրականացման նպատակով նպաստավոր պայմաններ ստեղծելու համար։ Այս մասին հայտարարել է ՌԴ արտգործնախարար Սերգեյ Լավրովը ԱՊՀ անդամ երկրների անվտանգության մարմինների եւ հետախուզական ծառայությունների ղեկավարների 18-րդ նիստում, գրում է ՏԱՍՍ-ը։
«Քննարկվում է Հավաքական անվտանգության պայմանագրի կազմակերպության դիտորդական առաքելության տեղակայման հնարավորությունը, որը նպաստավոր պայմաններ կստեղծի Ադրբեջանի, Հայաստանի եւ Ռուսաստանի ղեկավարների միջեւ համաձայնագրերի իրականացման, մասնավորապես՝ հայ-ադրբեջանական սահմանի սահմանազատման եւ, ընդհանուր առմամբ, կարգավորման համար։ Քննարկվում են Բաքվի եւ Երեւանի հարաբերությունները, այդ թվում՝ համապատասխան համաձայնագրի ստորագրումը»,-ասել է Լավրովը։
Միեւնույն ժամանակ, Լավրովն ընդգծել է, որ աշխարհում արագ փոփոխվող իրավիճակը թելադրում է ԱՊՀ շրջանակում ազնիվ, հավասար եւ փոխշահավետ համագործակցության ձեւավորման անհրաժեշտությունը՝ «այդ թվում՝ տարածաշրջանային եւ ազգային անվտանգության ամրապնդման նպատակով»։
