Հունաստանի ԱԳՆ-ը հայտարարել է, որ Հունաստանը դատապարտում է «Ռուսաստանի զինված ուժերի կողմից օկուպացված ուկրաինական տարածքները (Դոնեցկ, Լուգանսկ, Զապորոժիե եւ Խերսոն) Ռուսաստանի Դաշնությանը միացնելու որոշումը»։
«Այս որոշումն անօրինական է, քանի որ այն միջազգային իրավունքի կոպիտ խախտում է եւ անվավեր է։ Հունաստանը չի ճանաչում այն»,- ասված է ԱԳՆ-ի հաղորդագրության մեջ, որը տարածել է տեղեկատվական ծառայությունը։
Ըստ արտաքին գործերի նախարարության՝ Հունաստանը որպես հիմնական սկզբունք շարունակում է աջակցել Ուկրաինայի, ինչպես նաեւ բոլոր պետությունների ինքնիշխանությանը եւ տարածքային ամբողջականությանը։
ԱԳՆ-ը հայտարարել է, որ շարունակելու է աշխատանքը Ուկրաինայում հունական համայնքի իրավունքների պաշտպանության ուղղությամբ։