Ուկրաինային ՆԱՏՕ-ի կազմում ընդգրկելու Վաշինգտոնի փորձերը խելամիտ չեն։ Այս մասին հայտարարել է ԱՄՆ նախկին պետքարտուղար Հենրի Քիսինջերը։
«Կարծում եմ՝ դա խելամիտ քաղաքականություն չէ»,-ասել է Քիսինջերը։
Ավելի վաղ Ուկրաինայի նախագահ Վլադիմիր Զելենսկին հայտարարել է, որ Կիեւն արագացված կարգով ՆԱՏՕ-ին անդամակցելու հայտ է ներկայացրել։ Զելենսկին այդ մասին հայտարարել է այն բանից հետո, երբ ՌԴ նախագահ Վլադիմիր Պուտինը, ԴԺՀ-ի, ԼԺՀ-ի, Զապորոժիեի եւ Խերսոնի շրջանների ղեկավարները Ռուսաստանին շրջանների միացման մասին համաձայնագրեր են ստորագրել։
