Տարեցների միջազգային օրվա առիթով Գյումրի համայնքի ղեկավար Վարդգես Սամսոնյանն այցելել է 102-ամյա Ասանեթ Շահումյանին, 101-ամյա Վարդ Ղարիբյանին և 100-ամյա Մարգարիտ Զաքեյանին: Այս մասին հայտնում են Գյումրու համայնքապետարանից:
Համայնքի ղեկավարը շնորհավորել է տատիկներին տարեցների միջազգային օրվա առիթով, ապա զրուցել նրանց հետ, հետաքրարվել նրանց արմատների, կյանքի ճանապարհի և մի շարք այլ հարցերի շուրջ: Առողջություն մաղթելով տատիկներին՝ Վարդգես Սամսոնյանը հույս է հայտնել, որ հաջորդ տարի ևս հնարավորություն կունենա այցելելու և զրուցելու նրանց հետ:
