Գերմանիայի պաշտպանության նախարար Քրիստինա Լամբրեխտն անսպասելի այցով ժամանել է Ուկրաինա, հաղորդում է Die Welt-ը։ Օդեսայում Լամբրեխտը հանդիպել է իր ուկրաինացի գործընկեր Ալեքսեյ Ռեզնիկովի հետ։

Այցի ընթացքում նա խոստացել է, որ առաջիկա օրերին Ուկրաինան Iris-T SLM հակաօդային պաշտպանության համակարգեր կստանա։ Նա վստահեցրել է, որ Գերմանիան կօգնի պաշտպանել «կարեւոր ենթակառուցվածքը»։

Ինչ վերաբերում է տանկերի մատակարարման Ուկրաինայի պահանջներին, Լամբրեխտը կրկնել է. «Գերմանիան միշտ հասկացրել է, որ մենք միայնակ չենք գործելու այս ոլորտում։ Ուկրաինային նաեւ հայտնի է, որ մենք միշտ համաձայնեցնում ենք մեր գործողությունները մեր գործընկերների հետ»։