News
Լրահոս
News
Ուրբաթ
Դեկտեմբեր 09
USD
395.53
EUR
393.43
RUB
6.42
Տեսնել լրահոսը

Հյուսիսային Իռլանդիայում այս ձմռանը երեխաները կարող են սառչելուց մահանալ, եթե ավելի շատ օգնություն չտրամադրվի կարիքավոր ընտանիքներին, ասել են Բելֆաստում հանրահավաքի մասնակիցները:

Հարյուրավոր մարդիկ հավաքվել են Բելֆաստի քաղաքապետարանի մոտ՝ պահանջելով կառավարությունից ավելի շատ միջոցներ ձեռնարկել կյանքի արժեքի ճգնաժամի պայմաններում, հայտնում է PA Media-ն:

Միջոցառմանը, որը կազմակերպել է «Կյանքի արժեքի կոալիցիա» նախաձեռնող խումբը, ելույթ են ունեցել արհմիությունների, հասարակական խմբերի եւ քաղաքական կուսակցությունների ներկայացուցիչներ։

Հավաքվածներին դիմել է նաեւ Հյուսիսային Իռլանդիայի երեխաների հարցերով հանձնակատար Կուլլա Յսուման: Նախարարների կողմից երիտասարդներին պաշտպանելու բանավոր հավաստիացումները ոչինչ չեն նշանակում առանց գործողությունների, ասել է նա: «Բառերը չեն կերակրի մեր երեխաներին, նրանք չեն տաքացնի մեր երեխաներին եւ նրանց ապրելու ապահով տեղ չեն տա»,- նշել է նա՝ հավելելով, որ մինչեւ համավարակը Հյուսիսային Իռլանդիայում 110 000 երեխա ապրում էր աղքատության մեջ։ «Ես նույնիսկ չեմ կարող պատկերացնել, թե ինչպիսին կլինի իրավիճակը մինչեւ Սուրբ ծնունդ»,- ասել է Յսուման։

Նա նշել է, թե մտավախություն կա, որ ձմռան ամիսներին որոշ երեխաներ կարող են մահանալ սառչելուց։ «Սա Հյուսիսային Իռլանդիան է 2022 թվականին, եւ մենք մտահոգված ենք, որ երեխաները մահանում են սառչելուց»,- հավելել է նա:

Հանրահավաքի նախաշեմին «Կյանքի արժեքի կոալիցիան» հրապարակել է խարտիա՝ կառավարությանն ուղղված մի շարք պահանջներով։ Դրանք ներառել են գնաճի դեմ պայքարելու համար աշխատավարձի բարձրացում բոլոր աշխատողների համար եւ ժամը 15 ֆունտ սթեռլինգ նվազագույն աշխատավարձ:

 

!
Այս նյութը հասանելի է նաև   Русский
Տպել
Ամենաշատ