News
Լրահոս
News
Երեքշաբթի
Դեկտեմբեր 06
USD
395.53
EUR
393.43
RUB
6.42
Տեսնել լրահոսը

1000-ամյա ձեռագիրը, որը աշխարհի ամենահին ձեռագիր ավետարաններից է, վերադարձվել է հունական վանք, որտեղից այն գողացվել է ավելի քան մեկ դար առաջ, հայտնում է թանգարանի մամուլի ծառայությունը։

Այն գրվել է Իտալիայի հարավում գտնվող հունական վանքում 10-րդ դարի վերջին եւ 11-րդ դարի սկզբին, ըստ թանգարանի: Սակայն 14-րդ եւ 15-րդ դարերի ընթացքում այն տեղափոխվել է հյուսիսային Հունաստանում գտնվող Կոսինիցա վանք, որը հայտնի է նաեւ որպես Տիրամայր Իկոսիֆոնիսսա վանք:

Երբ բուլղարական բանակը ներխուժել է Հունաստան Առաջին համաշխարհային պատերազմի ժամանակ, զինվորները կողոպտել են վանքը՝ գողանալով ավելի քան 400 արժեքավոր ձեռագրեր, ինչպես նաեւ այլ գրքեր, առարկաներ եւ գումար։ Ձեռագրերի մի մասը վաճառվել է Եվրոպայում՝ հայտնվելով ամերիկյան թանգարաններում։

Ձեռագիրը աճուրդի է հանվել Christie's-ի կողմից 2011 թվականին, ասվում է թանգարանում, այնուհետեւ այն գնել է Օկլահոմա Սիթիում գտնվող Գրին հավաքածուն եւ նվիրել «Աստվածաշնչի թանգարանին»:

2015 թվականին Հույն ուղղափառ եկեղեցին մի քանի ամերիկյան հաստատությունների խնդրել է կամավոր վերադարձնել դրանք վանքին: 2019 թվականին թանգարանը սկսել է ուսումնասիրել Նոր Կտակարանի իր հունարեն ձեռագրերը, ինչը գիտնականներին ստիպել է հասկանալ, որ փաստաթուղթը գողացվել է Կոսինիցայի վանքից: Իսկ 2020 թվականին թանգարանը դիմել է Արեւելյան ուղղափառ եկեղեցու առաջնորդներին՝ ձեռագիրը վերադարձնելու ցանկությամբ։

Հինգշաբթի օրը ձեռագիրը պաշտոնական արարողությամբ վերադարձվել է վանք, ասվում է Ամերիկայի հունական ուղղափառ արքեպիսկոպոսության եւ «Աստվածաշնչի թանգարանի» համատեղ հայտարարության մեջ։

Ամերիկայի հույն ուղղափառ արքեպիսկոպոսության գլխավոր խորհրդական Ջորջ Ցոգարաքիսը CNN-ին ասել է, որ հույս ունի, որ վերադարձը կխրախուսի մյուս հաստատություններին վերադարձնել բուլղարական ներխուժման ժամանակ գողացված ձեռագրերը:

!
Այս նյութը հասանելի է նաև   Русский
Տպել
Ամենաշատ