Բրազիլացիները երկրի նախագահ կընտրեն երկրորդ փուլով, ընտրարշավին մասնակցում են գործող նախագահ Ժաիր Բոլսոնարուն եւ Լուիս Ինասիու Լուլա դա Սիլվան, տեղեկացրել է երկրի Բարձրագույն ընտրական դատարանը։
«Ընտրությունները մաթեմատիկորեն որոշված են։ Երկրորդ փուլ»,- նշվել է դատարանի պաշտոնական հաղորդագրությունում։
Բրազիլիայում քվեարկության առաջին փուլը տեղի է ունեցել հոկտեմբերի 2-ին։ Երկրորդ փուլը նախատեսված է հոկտեմբերի 30-ին։
Առայժմ հաշվարկվել է ընտրաթերթիկների 97,45 տոկոսը, առջեւում Բրազիլիայի նախկին նախագահ Լուիս Ինասիու Լուլա դա Սիլվան է՝ 47,93 տոկոս, նրան հաջորդում է գործող նախագահ Ժաիր Բոլսոնարուն՝ 43,63 տոկոս։
Առաջին փուլում հաղթանակի համար պահանջվում էր հավաքել ավելի քան 50 տոկոս։
Նախագահի մյուս թեկնածուները բավական հետ են, նրանցից շատերը մեկ տոկոս էլ չեն ստացել։