Ճապոնիայի վարչապետ Ֆումիո Կիսիդան հայտարարել է, որ Տոկիոն կշարունակի Ռուսաստանի դեմ պատժամիջոցային քաղաքականությունը եւ Ուկրաինային աջակցելը, հաղորդում է ՏԱՍՍ-ը։
Ելույթ ունենալով խորհրդարանի լիագումար նիստում, նա ասել է, որ իրավիճակը Ուկրաինայում թեւակոխել է նոր փուլ այն բանից հետո, երբ Ռուսաստանի Դաշնությունը հայտարարեց մասնակի մոբիլիզացիայի եւ չորս շրջանների միացման մասին։ Այս գործողությունները, Կիսիդայի խոսքով, խարխլել են միջազգային կարգի հիմքերը։ Նա մտահոգություն է հայտնել, որ նմանատիպ իրավիճակ կարող է լինել ասիական տարածաշրջանում։