News
Լրահոս
News
Հինգշաբթի
Դեկտեմբեր 08
USD
395.53
EUR
393.43
RUB
6.42
Տեսնել լրահոսը

Վարչապետ Նիկոլ Փաշինյանի ընտանիքին պատկանող «Հայկական ժամանակը» «Ի գիտություն Վեհափառ Հայրապետի, 3 նախագահների և փորձագիտական հանրության. ի՞նչ է ուզում Ադրբեջանը» վերտառությամբ ուշագրված հրապարակում է արել, որի անանուն հեղինակը  հինգ կետով ներկայացրել է Ադրբեջանի պահանջները Հայաստանից՝  արձագանքելով ՀՀ առաջին նախագահ Լևոն Տեր-Պետրոսյանի հայտարարությանը, որ իրենք չունեն ամբողջական տեղեկատվություն բանակցային գործընթացների մասին եւ որ միայն Նիկոլ Փաշինյանն է ամբողջությամբ տիրապետում այդ տեղեկատվությանը։

Հրապարակման անանուն հեղինակը, մասնավորապես, գրում է. «Եթե գնանք գույքագրման ճանապարհով, կարող ենք ասել, որ Ադրբեջանը Հայաստանից ունի 5 հիմնական պահանջ: Դրանք հետևյալն են.

1.            ԼՂ պաշտպանության բանակի լուծարում

2.            ԼՂ ճանաչում Ադրբեջանի կազմում՝ առանց որևէ ինքնավար կարգավիճակի: Այսինքն՝ 0 կարգավիճակով:

3.            Միջանցք Հայաստանի տարածքով

4.            Սահմանագծման և սահմանազատման գործընթաց 1919, 1920 թվականի քարտեզներով (առայժմ հայտնի չէ, թե կոնկրետ ո՞ր քարտեզների մասին է խոսքը)

5.            Անհետ կորած ադրբեջանցիների ճակատագրի պարզաբանում, հնարավոր է հետագայում Հայաստանին պատերազմական հանցագործությունների մեջ մեղադրելու միտումով:

Պետք է հաշվի առնել, որ վերը նշված հարցերը թվարկված են՝ ըստ սադրիչ գործողությունների հնարավորության, թե որքանով դրանք կարող են Ադրբեջանի կողմից օգտագործվել Հայաստանի դեմ նոր ռազմական սադրանքներ կազմակերպելու համար:

Սա նշանակում է, որ Ադրբեջանի հետ համապարփակ խաղաղության հասնելու համար պետք է հասցեագրել այս հարցերը: Հասցեագրել՝ տվյալ դեպքում նշանակում է կա՛մ բավարարել պահանջները, կա՛մ գտնել փոխզիջում, կա՛մ Ադրբեջանին ստիպել/համոզել հրաժարվել այդ պահանջներից: Կամ՝ գտնել այլ տարբերակ»:

Հեղինակը նաեւ խոստանում է հաջորդիվ անդրադառնալ հարցին, թե ինչ են ուզում Ռուսաստանը, ԱՄՆ-ը, Իրանը, ԵՄ-ն:

Հաշվի առնելով, որ «Հայկական ժամանակը» պատկանում է վարչապետի ընտանիքին, կարելի է վստահաբար եզրակացնել, որ «հավաստի աղբյուրը», ինչպես ներկայացել է անանուն հեղինակը, ինքը՝ Նիկոլ Փաշինյանն է։ Հարց է առաջանում՝ ինչո՞ւ Փաշինյանը, որը Վեհափառի եւ նախկին նախագահների հանդիպմանը հաջորդած՝ Լեւոն Տեր–Պետրոսյանի հայտնի հարցազրույցից հետո հնարավորություն ուներ անդրադառնալ այդ թեմային սեպտեմբերի 30–ի իր երկու ժամանոց ասուլիս–հարցազրույցի ընթացքում, գերադասում է կարեւոր բանակցությունների մանրամասների արտահոսք անել անանուն հեղինակի ստորագրությամբ։ Կարելի է ենթադրել, որ Փաշինյանը պաշտոնապես ադրբեջանական պահանջների մասին չխոսելով՝ հետագայում խուսանավելու հնարավորություն է պահպանում։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Վարչապետ Փաշինյանն ընդունել է Տոյվո Կլաարին. Հայտնի է՝ ինչ են քննարկել
Վարչապետ Փաշինյանն ընդգծել է Պրահայում կայացած հանդիպման ձևաչափի համաձայն հետագա քննարկումների կարևորությունը...
Արարատ Միրզոյանը և Տոյվո Կլաարը մտքեր են փոխանակել ՀՀ-ի և Ադրբեջանի միջև խաղաղության պայմանագրի մշակման վերաբերյալ
ՀՀ ԱԳ նախարարի և ԵՄ հատուկ ներկայացուցչի հանդիպումը...
Տարածաշրջանային այս լարված իրավիճակը միջազգային հանրության ուշադրության կենտրոնում պետք է լինի. Սեյրան Օհանյան
Ողջունում եւ կարեւորում եմ Ձեր այցը Հայաստան՝ մեզ համար նման դժվարին ժամանակաշրջանում: Այն, ինչ տեղի է ունեցել վերջին երկու տարիների ընթացքում...
Հայաստանն ավելի շատ Թուրքիայի ու Ադրբեջանի կարիքն ունի, քան ԱՄՆ–ի ու Ֆրանսիայի. Էրդողանի խոսնակ
Հայաստանը մի երկիր է, որն աշխատում  է գոյություն ունենալ՝ դիրքավորվելով որպես արեւմտյան դաշինքի մի մաս...
Իրանը չի ընդունում տարածաշրջանում աշխարհագրական սահմանների որեւէ փոփոխություն. Ալի Ֆադավի
Խոսելով Ադրբեջանի հետ հյուսիսային ընդհանուր սահմաններում ԻՀՊԿ-ի վերջին զորավարժությունների ․․․
Եթե եվրոպական կողմից ԵՄ դիտորդական առաքելության ժամկետը երկարացնելու քայլ լինի, Հայաստանը կողջունի. ԱԽ քարտուղար
ԵՄ քաղաքացիական առաքելությունը Հայաստանում կայունացնող դեր է խաղում եւ այս առումով ահագին արդյունավետ է...
Ամենաշատ