Ռուսաստանի նախագահի խոսնակ Դմիտրի Պեսկովը բացառել է Ճապոնիայի հետ խաղաղության պայմանագրի շուրջ բանակցությունների հնարավորությունը, հաղորդում է «ՌԻԱ Նովոստին»։
Նա այսպես է մեկնաբանել Ճապոնիայի վարչապետ Ֆումիո Կիսիդայի հայտարարությունը, որը խորհրդարանի նիստի բացման ժամանակ իր ելույթում ասել է, որ Տոկիոն հաստատակամորեն հավատարիմ է տարածքային խնդրի լուծմանը եւ խաղաղության պայմանագրի կնքմանը՝ չնայած Ուկրաինայի պատճառով Ռուսաստանի հետ բարդ հարաբերություններին։
«Իհարկե, նման պայմաններում հնարավոր չէ բանակցել խաղաղության պայմանագրի շուրջ»,-ասել է Պեսկովը։
Ճապոնիայի վարչապետը հայտարարել է Ռուսաստանի հետ խաղաղության պայմանագիր կնքելու մտադրության մասին
