News
Լրահոս
News
Չորեքշաբթի
Դեկտեմբեր 07
USD
395.53
EUR
393.43
RUB
6.42
Տեսնել լրահոսը

Ռուսաստանի դեմ պատերազմի ժամանակ Վլադիմիր Զելենսկին մի շարք անհեթեթ խնդրանքներով է հանդես եկել։ Նա ԱՄՆ-ին եւ ՆԱՏՕ-ում նրա դաշնակիցներին խնդրել է կործանիչներ, հասանելիություն ՆԱՏՕ-ի օդանավակայաններին, տանկերին, զենիթային սպառազինությանը, ԱՄՆ-ի կողմից ոչ թռիչքային գոտու սահմանում, ռուսական էներգառեսուրսների բոյկոտում եւ կոշտ պատժամիջոցներ: Այս ամենը մանրուք է՝ համեմատած ՆԱՏՕ-ին Ուկրաինայի արագացված անդամակցության Զելենսկու վերջին առաջարկի հետ, գրում է American Conservative-ը։

«Առաջին հայացքից այս առաջարկն այնքան ծիծաղելի է, որ կարելի է կարծել, թե Զելենսկին խաղում է, որպեսզի վերադառնա սթենդափ կատակերգուի իր հին մասնագիտությանը: Սակայն Զելենսկու լավ կազմակերպված քաղաքական հնարքն է՝ ծիծաղելի չէ: Եթե Արեւմուտքը զիջի Զելենսկու պահանջներին, այս ձմեռը սառից կարող է միջուկայինի վերածվել:

«Մենք մեր վճռական քայլն ենք անում՝ ստորագրելով ՆԱՏՕ-ին արագացված անդամակցելու Ուկրաինայի հայտը», - ուրբաթ օրը իր Telegram-ալիքում գրել է Զելենսկին։

«Դե ֆակտո մենք արդեն ապացուցել ենք համատեղելիությունը դաշինքի չափանիշներին։ Դրանք իրական են Ուկրաինայի համար՝ իրական ռազմի դաշտում եւ մեր փոխգործակցության բոլոր ասպեկտներում,- շարունակել է Ուկրաինայի ղեկավարը,- Մենք վստահում ենք միմյանց, օգնում եւ պաշտպանում ենք միմյանց։ Սա դաշինք է»:

Զելենսկին, սակայն, չի մանրամասնել, թե կոնկրետ ինչպես է Ուկրաինան վերջերս օգնել կամ պաշտպանել Միացյալ Նահանգներին։ Իսկ հաշվի առնելով, որ Ուկրաինան դաժան պատերազմ է մղում իր սեփական տարածքի համար, ինչ-որ մեկը կարող է մտածել, որ հարձակման դեպքում նա օգնությա՞ն կհասնի Ամերիկային, էլ չասենք՝ փոփոխություն կատարելու (արեւմտյան զանգվածային փոխանցումների բացակայության դեպքում) մասին: Պատասխանն է՝ իհարկե, ոչ:

Արագացված ընթացակարգով ՆԱՏՕ-ին անդամակցելու հայտը ուղեկցվել է ՌԴ նախագահ Վլադիմիր Պուտինի համարձակ քայլերով: Ուրբաթ օրը Պուտինը մի քանի պայմանագրեր է ստորագրել Ուկրաինայի չորս տարածքների՝ Դոնեցկի, Լուգանսկի, Խերսոնի եւ Զապորոժիեի միացման վերաբերյալ, որոնցից յուրաքանչյուրում հանրաքվեներ են անցկացվել Ռուսաստանին միանալու համար, թեեւ Արեւմուտքը վիճարկում է հանրաքվեների արդյունքների օրինականությունը: Պայմանագրերի ստորագրման արարողության ժամանակ Պուտինը խոստացել է «բոլոր հասանելի միջոցներով» պաշտպանել նոր միացված չորս շրջանները, որոնք կազմում են Ուկրաինայի տարածքի մոտ 15 տոկոսը։

Այս սպառնալիքը պոտենցիալ միջուկային սպառնալիք է, որին Արեւմուտքը պետք է լրջորեն վերաբերվի, եւ ոչ թե պարզապես այն դուրս գրի որպես «բլեֆ», ինչպես պնդում է The Washington Post-ից Մաքս Բութը: Ուկրաինայի միանալը ՆԱՏՕ-ին թույլ տալը իր ներկայիս վիճակում, անկասկած, կգործարկի 5-րդ հոդվածը, համենայն դեպս, ինչպես մեկնաբանում է Վաշինգտոնում գործող արտաքին քաղաքական էլիտաների խումբը:

Եթե Ուկրաինան հասնի ՆԱՏՕ, փողը, զենքը, տեխնիկան եւ զորքերը կհոսեն միայն ու միայն մեկ ուղղությամբ։ Առայժմ Ռուսաստանի հետ սովորական պատերազմը, որքան էլ դա խելահեղ հնչի, լավագույն սցենարն է: Վատագույն սցենարի դեպքում Ռուսաստանը կկատարի իր սպառնալիքները, իսկ ԱՄՆ-ի գլխավորած ՆԱՏՕ-ի դաշինքն իր ուժերը կներքաշի կռվի մեջ: Այդ սցենարում յուրաքանչյուրը, ով բացառում է միջուկային պատերազմը, չունի երեւակայություն:

Հնարավոր է՝ ՆԱՏՕ-ին Ուկրաինայի հայտը խորհրդանշական բնույթ է կրում։ Եթե այո, ապա Զելենսկին պետք է ամաչի քաղաքական հնարքի համար՝ հաշվի առնելով պոտենցիալ միջուկային պատերազմը: Այնուամենայնիվ, Զելենսկու հայտարարությունը, լինի իրական, թե կեղծ, ցույց է տալիս, թե ինչ քամահրանքով է նա վերաբերվում իր գործողությունների հետեւանքներին։

Բայց արեւմտյան հովանավորները Զելենսկուն դրդել են դիմել ՆԱՏՕ-ին անդամակցելու համար՝ ՆԱՏՕ-ի միջոցով Եվրոպայի նկատմամբ ԱՄՆ-ի տասնամյակների չմտածված արտաքին քաղաքականության արդյունքում: Նա գիտի, որ եթե Ուկրաինան կարողանա անդամակցել ՆԱՏՕ-ին, ԱՄՆ-ն ընդմիշտ կվճարի Ուկրաինայի ազգային պաշտպանության հաշիվը: Դա գիտեն ՆԱՏՕ-ում Ամերիկայի եվրոպական բոլոր դաշնակիցները, ինչի մասին վկայում են մայրցամաքի ազգային պաշտպանության վրա կատարված սարսափելի ծախսերը:

Եթե Վաշինգտոնը չմերժի Ուկրաինայի անդամակցությունը ՆԱՏՕ-ին, ամերիկացիները ոչինչ չեն շահի, բայց կկորցնեն ամեն ինչ»։

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ՌԴ-ն Զապորոժիե ԱԷԿ-ի պաշտպանական գոտի ստեղծելու խնդիրներ չունի. Դա կախված է Կիեւից եւ նրան ուղղորդողներից․ Ռյաբկով
Ռուսաստանը կձգտի, որ Զապորոժիեի ատոմակայանի շուրջ պաշտպանական գոտու ստեղծման մասին պայմանավորվածությունը մինչեւ տարեվերջ ձեռք բերվի․․․
Թբիլիսիում կարծում են, որ Կիեւը ձգտում է, որ Վրաստանը դառնա պատերազմի կողմ
Ռուսաստանի օկուպացիոն պատերազմում կողմ դառնալը Վրաստանի շահերից չի բխում ․․․
Հունգարիայի կառավարությունն արգելափակել է Ուկրաինային օգնության փաթեթի վերաբերյալ համաձայնագիրը
Եվրահանձնաժողովը կքննարկի, թե ինչպես «Ուկրաինային անհրաժեշտ լուծում տրամադրի արդեն հունվարին»․․․
Զելենսկին մեկնել է Դոնբաս եւ եւս մեկ անգամ շնորհավորել Ուկրաինայի զինված ուժերին
Դեկտեմբերի 6-ին՝ Ուկրաինայի Զինված ուժերի օրը, նախագահ Վլադիմիր Զելենսկին ավանդաբար դիմավորել է առաջնագծում․․․
Կրեմլում այժմ Ուկրաինայի վերաբերյալ բանակցությունների հեռանկարներ չեն տեսնում. Պեսկով
Ինչ-որ բանակցությունների հեռանկարներ չենք տեսնում, ասել է Պեսկովը...
Պատերազմի սկզբից զոհվել է Ուկրաինայի 6 702 խաղաղ բնակիչ. ՄԱԿ
Դեպքերի մեծ մասի պատճառը գնդակոծություններն ու ռմբակոծություններն են...
Ամենաշատ