News
Լրահոս
News
Երեքշաբթի
Մարտ 19
Տեսնել լրահոսը

Ռուսաստանից միգրանտները դասական իմաստով զբոսաշրջիկներ են համարվում եւ  դրական ազդեցություն են ունենում տնտեսության վրա, բայց եթե իրավիճակին ավելի խոր նայենք, ապա կպարզվի, որ այս երեւույթը դրական ազդեցություն չի ունենում հայկական տուրիզմի կայուն զարգացման վրա։ Այս մասին հոկտեմբերի 4-ին լրագրողների հետ հանդիպման ժամանակ ասել է  Հայաստանի տուրիզմի ֆեդերացիայի ղեկավար Մեխակ Ապրեսյանը։

Դա, նրա խոսքով, կապված է այն բանի հետ, որ ավիատոմսերի գների աճի ֆոնին զբոսաշրջային նպատակներով Հայաստան այցելել պլանավորող քաղաքացիները չեղարկել են ճամփորդությունները։ «Մարդիկ նախատեսում էին այցելել Հայաստանի մարզեր եւ հավասարաչափ փող ծախսել ամբողջ երկրում, այլ ոչ թե միայն Երեւանում։ Այդ կոնտինգենտը 5 000 դոլար չի տա ավիատոմսին»,- ասել է նա։

Փորձագետը նախազգուշացրել է, որ երկարաժամկետ պարզ տուրիզմը Ջերմուկում եւ տուրիստական այլ ուղղություններում թշնամու ագրեսիայի պատճառով կարող է հանգեցնել աշխատատեղերի փակման եւ ոլորտի անկման։ Ապրեսյանը վստահություն է հայտնել, որ շատ դժվար կլինի վերականգնել կադրային պոտենցիալը՝ նշելով այդ վայրերում տուրիզմին աջակցելու ծրագրերի անհրաժեշտության մասին։ «Հանրային տրամադրությունների պատճառով Հայաստանում հետաձգվել է Արենիի արդեն հայտնի դարձած գինու միջազգային փառատոնը, որը պետք է տեղի ունենար հոկտեմբերի 1-ին։ Իրավիճակից կախված՝ փառատոնը, ինչպես նաեւ զբոսաշրջային այլ միջոցառումներ կարող են անցկացվել հոկտեմբերի վերջին»,- ընդգծել է նա։

Տուրիզմի համար ամենագլխավոր մարտահրավերը փորձագետը նշել է երկրի համար ոլորտի նշանակալիության անբավարար գիտակցումը՝ հաշվի առնելով այն, որ տուրիզմի ներկայացուցիչները հաճախ տհաճությամբ են դիմում պետության աջակցությանը։

Նա նշել է, որ չի կարելի թույլ տալ, որ ոլորտը փլուզվի։ Այս ոլորտը կարող է իր հետեւից տանել տնտեսությունը՝ նշելով բավականաչափ միջոցների հատկացման կարեւորությունը Հայաստանի մարքեթինգի համար համաշխարհային տուրիստական շուկայում։ «Օրինակ, ամբողջ 2019թ. Հայաստան է այցելել մոտ 1,9 մլն զբոսաշրջիկ, այսինքն՝ տուրիզմն ապահովել է առնվազն 1 մլրդ դոլարի եկամուտներ։ Հարկային մուտքերն այդ ժամանակ կազմել էին 300 մլն դոլար։ Այդ գումարի ընդամենը 1 տոկոսի հատկացումը Հայաստանի մարքեթինգի բարձրացման նպատակին էական ազդեցություն կգործեր տուրիզմի զարգացման վրա»,- ավելացրել է Մեխակ Ապրեսյանը։

Էկոնոմիկայի նախարարության տվյալներով՝ առաջին 8 ամիսներին Հայաստան է այցելել մոտ 1 մլն զբոսաշրջիկ։ Փորձագետի գնահատմամբ՝ միտումն այնպիսին է, որ տարեվերջին մոտենանք մինչկորոնավիրուսային ցուցանիշներին։ «Այս տարվա առաջին 6 ամիսներին Հայաստան է եկել 588 հազար զբոսաշրջիկ, այսինքն՝ 2,4 անգամ ավելի, քան անցած տարվա նույն ժամանակամիջոցում։ Բայց դա ավելի քիչ է, քան 2019թ. նույն ժամանակամիջոցում (ավելի քան 770 հազար մարդ)»,- ամփոփել է նա։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստանը մի շարք երկրների համար կդառնա զբոսաշրջային նոր ուղղություն. Նոր ծրագիր է մեկնարկում
Հրավիրել և ֆինանսավորել ենք, որպեսզի տուրիստական երկրների ներկայացուցիչները Բալթյան երկրներից գան Հայաստան ինֆոտուրի, որպեսզի...
Այս տարվա փետրվարին ՀՀ է այցելել 127 հազար զբոսաշրջիկ. 2023-ին դա եղել է 130 հազար
2023 թ․ փետրվարին դեպի Հայաստան առավել շատ զբոսաշրջային այցելություններ գրանցվել են Ռուսաստանից (43%), Վրաստանից (14%) և Իրանից (7%)...
Կիոտոյում կարգելվի զբոսաշրջիկների մուտքը մի քանի շրջաններ՝ գեյշաների նկատմամբ ոտնձգությունների պատճառով
Արգելքն ուժի մեջ կմտնի հաջորդ ամսից...
Ռուսական տուրօպերատորները հայտել են դեպի Հայաստան տուրերի արժեքը
Շրջագայությունների արժեքը պարզել է Ռուսաստանի տուրօպերատորների ասոցիացիան …
Հայ-եգիպտական երկկողմ հարաբերություններում դինամիկ զարգացում է ապրում զբոսաշրջությունը. Փաշինյանը՝ աս-Սիսիին
Հայաստան կատարած Ձեր այցից հետո նկատելի է դարձել Հայաստանի նկատմամբ...
Դուբլինի իշխանությունները մտադիր են փողոցային վաճառողի արձանը պաշտպանել զբոսաշրջիկների «ոտնձգություններից»
Դուբլինի քաղաքային խորհուրդը դիտարկում է արձանը պաշտպանելու ուղիները, որը հագած է 17-րդ դարի բաց զգեստ...
Ամենաշատ