News
Լրահոս
News
Կիրակի
Փետրվար 25
Տեսնել լրահոսը

Ուկրաինացի պաշտոնյաներին, այդ թվում՝ նախագահ Վլադիմիր Զելենսկուն, դուր չի եկել Ուկրաինայում խաղաղության հնարավորության վերաբերյալ աշխարհի ամենահարուստ մարդու՝ Իլոն Մասկի տեսլականը։ Ավելի վաղ Մասկը Twitter-ում հարցում էր նախաձեռնել՝ առաջարկելով Ուկրաինայում խաղաղության իր «պլանը»։

«Հավանաբար, այդպես էլ տեղի կունենա վերջում. միակ հարցն այն է, թե քանի մարդ կմահանա մինչ այդ»,- գրել էր Մասկը՝ հավելելով, որ մյուս հնարավոր հետեւանքը միջուկային պատերազմը կարող է լինել:

«Ռուսաստանը մասնակի մոբիլիզացիա է իրականացնում։ Նա կգնա ամբողջական ռազմական մոբիլիզացիայի, եթե Ղրիմը վտանգի տակ լինի։ Երկու կողմերի զոհերը ավերիչ կլինեն»,- մի քանի ժամ անց գրել է Մասկը: «Ռուսաստանի բնակչությունը երեք անգամ գերազանցում է Ուկրաինայի բնակչությունը, ուստի տոտալ պատերազմում Ուկրաինայի հաղթանակը քիչ հավանական է: Եթե դուք մտածում եք Ուկրաինայի ժողովրդի մասին, խաղաղություն փնտրեք»։

Այս ենթադրություններից ուկրաինացի պաշտոնյաները հիստերիայի մեջ են ընկել։ Զելենսկին Twitter-ում նախաձեռնել է իր սեփական հարցումը՝ «Ո՞ր @elonmusk-ն է ձեզ ավելի շատ դուր գալիս», առաջարկելով երկու տարբերակ՝ «նա, ով աջակցում է Ուկրաինային» եւ «նա, ով աջակցում է Ռուսաստանին»:

Ուկրաինայի դեսպան Անդրեյ Մելնիկը ոչ դիվանագիտորեն Մասկին գրողի ծոցն է ուղարկել. «Գնա դու... սա իմ դիվանագիտական պատասխանն է քեզ @elonmusk»։ Մելնիկը եղել է Գերմանիայում Ուկրաինայի դեսպանը, սակայն այս պաշտոնը լքել է սեպտեմբերին մի շարք սկանդալներից հետո։

Զելենսկու խորհրդականներից Միխայիլ Պոդոլյակը, Մասկին առաջարկել է պատերազմի ելքի ուկրաինական տարբերակը, ըստ որի՝ Ուկրաինան «ազատագրում է իր տարածքները, այդ թվում՝ Ղրիմը»։

Ադամ Քինզինգերը (հանրապետական Իլինոյս նահանգից) Մասկի ծրագիրն անվանել է «գրեթե ամենավատ գաղափարը, որը ես կարդացել եմ»: «Խաղաղության միակ ճանապարհը Ռուսաստանին վռնդելն է Ուկրաինայից․․․ որտեղ նա տեղ չունի»,- գրել է Քինզինգերը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Եվրամիությունը մարտին Ուկրաինային 4,5 միլիարդ եվրո կտրամադրի
Նրա խոսքով, այս պայմանավորվածությունը ձեռք է բերվել Կիևում Ուկրաինայի արտգործնախարար Դենիս Շմիգալի հետ հանդիպման ժամանակ...
Պենտագոնն սկսել է ավելի քան 50 քրեական հետաքննություն Ուկրաինային օգնության տրամադրման հետ կապված. Bloomberg
Հետաքննություններն ուսումնասիրում են գնումների, արտադրանքի նենգափոխման, հափշտակումների կամ կոռուպցիայի դեպքերը...
ՆԱՏՕ-ին Ուկրաինայի անդամակցությունը ոչ թե «եթե»-ի հարց է, այլ «երբ»-ի. Սթոլտենբերգ
Ուկրաինան ավելի քան մոտ է ՆԱՏՕ-ին անդամակցությանը...
Շվեյցարիան մինչեւ ամառ կկազմակերպի բարձր մակարդակի կոնֆերանս Ուկրաինայի վերաբերյալ
Շվեյցարիան նախատեսում է կոնֆերանս հրավիրել...
ԵՄ-ն 1․5 միլիարդ դոլար է հավաքում երրորդ երկրներից Ուկրաինայի համար զենք գնելու համար․ FT
Այս ծրագիրը առաջ է տանում Չեխիան․․․
Կրասնոդարի Տրուդովայա Արմենիա գյուղի տարածքում թռչող անհայտ սարք է ընկել և բռնկվել
Ուկրաինական լրատվամիջոցները պնդում են, որ դա ռուսական ինքնաթիռ է․․․
Ամենաշատ