News
Լրահոս
News
Երեքշաբթի
Մարտ 19
Տեսնել լրահոսը

ՀՀ ԱԺ նախագահը հայտարարությամբ է հանդես եկել ԱԺ պատգամավոր Մխիթար Զաքարյանի հրաժարականի դիմումի վերաբերյալ:

«Ազգային ժողովի կանոնակարգ» սահմանադրական օրենքի 155-րդ հոդվածի 1-ին մասի համաձայն՝ Հայաստանի Հանրապետության Ազգային ժողովի պատգամավոր Մխիթար Զաքարյանը 2022 թվականի հոկտեմբերի 4-ին հրաժարականի դիմում է ներկայացրել:

«Ազգային ժողովի կանոնակարգ» սահմանադրական օրենքի 155-րդ հոդվածի 2-րդ մասի համաձայն` եթե հրաժարականի հրապարակումից հետո՝ մեկ շաբաթվա ընթացքում, պատգամավորը գրավոր դիմումով հետ է վերցնում հրաժարականի մասին իր դիմումը, ապա Ազգային ժողովի նախագահն այդ մասին հանդես է գալիս հայտարարությամբ, եթե հետ չի վերցնում հրաժարականի մասին իր դիմումը, ապա նրա լիազորությունների դադարման մասին կազմվում է արձանագրություն, որն ստորագրում և հրապարակում է Ազգային ժողովի նախագահը: Արձանագրության հրապարակման պահից հրաժարականը համարվում է ընդունված»,- ասված է հայտարարության մեջ:

Ավելի վաղ հայտնել էինք՝ ԱԺ «Հայաստան» խմբակցության պատգամավոր Մխիթար Զաքարյանը հայտարարել էր պատգամավորական գործունեությունը դադարեցնելու մասին:

Նա հայտնել էր, որ քաղաքական գործունեությունը շարունակելու է «Վերածնվող Հայաստան» կուսակցության շարքերում:

!
Այս նյութը հասանելի է նաև   Русский
Տպել
Ամենաշատ