News
Լրահոս
News
Երեքշաբթի
Մարտ 19
Տեսնել լրահոսը

Շվեդիայի պատվիրակությունը հանդիպել է թուրք պաշտոնյաների հետ, որպեսզի քննարկի այն մարդկանց արտահանձնելու Անկարայի պահանջները, ում նա ահաբեկիչներ է համարում։

Թուրքիան սպառնացել է արգելափակել Շվեդիայի եւ Ֆինլանդիայի անդամակցությունը ՆԱՏՕ-ին՝ երկու սկանդինավյան երկրներին մեղադրելով Թուրքիայի անվտանգության «շահերն անտեսելու» մեջ եւ պնդելով, որ նրանք փոխել են իրենց դիրքորոշումը քուրդ ապստամբների եւ այլ խմբերի նկատմամբ, որոնց Թուրքիան համարում է ահաբեկիչներ։ Անկարան նաեւ պահանջել է չեղարկել Թուրքիային զենքի մատակարարման էմբարգոն։

Շվեդիայի եւ Թուրքիայի արդարադատության նախարարությունների ներկայացուցիչները երկօրյա բանակցություններ են սկսել, որպեսզի քննարկեն քրդական խմբավորումների կամ Ֆեթուլլահ Գյուլենի շարժման հետ կապված մարդկանց հնարավոր արտահանձնումը, ում Անկարան մեղադրում է 2016 թվականի ձախողված հեղաշրջման կազմակերպման մեջ, հաղորդում է Anadolu գործակալությունը։

Անցյալ շաբաթ Շվեդիան հայտարարել է, որ կչեղարկի Անկարային զենքի մատակարարման էմբարգոն, որը սահմանվել էր 2019 թվականին Սիրիայում քուրդ զինյալների դեմ Թուրքիայի ռազմական գործողություններից հետո։ Այս քայլը դիտվել է որպես Անկարայի հավանությունը ստանալու քայլ:

Թուրքիայի խորհրդարանը դեռ չի վավերացրել Շվեդիայի եւ Ֆինլանդիայի անդամակցությունը ՆԱՏՕ-ին։

 

!
Այս նյութը հասանելի է նաև   English and Русский
Տպել
Ամենաշատ