News
Լրահոս
News
Երեքշաբթի
Մարտ 19
Տեսնել լրահոսը

Ամերիկացիների գրեթե երեք քառորդը կարծում է, որ Միացյալ Նահանգները պետք է շարունակի աջակցել Ուկրաինային՝ չնայած իր տարածքը պաշտպանելու համար միջուկային զենք օգտագործելու ռուսական սպառնալիքներին: Այս մասին են վկայում Reuters/Ipsos-ի կողմից անցկացված հասարակական կարծիքի հարցման արդյունքները։

Հարցումը ցույց է տալիս, որ Միացյալ Նահանգները պետք է շարունակի զենքային համակարգեր և այլ ռազմական օգնություն փոխանցել Վլադիմիր Զելենսկու կառավարությանը, չնայած մտավախություններին, որ հակամարտությունը կսրվի, եթե Ուկրաինային ավելի հեռահար զենք տրամադրեն:

Հարցման արդյունքների համաձայն՝ Միացյալ Նահանգները պետք է շարունակի սպառազինություն եւ այլ ռազմական օգնություն փոխանցել Վլադիմիր Զելենսկու կառավարությանը՝ չնայած մտավախություններին, որ հակամարտությունը կսրվի, եթե Ուկրաինային ավելի մեծ հեռահարության զենք տրամադրվի:

1005 ամերիկացիների մասնակցությամբ առցանց հարցումը ցույց է տվել, որ հարցվածների 73 տոկոսը համաձայն է, որ Միացյալ Նահանգները պետք է շարունակի աջակցել Ուկրաինային՝ չնայած Ռուսաստանի նախազգուշացումներին, որ նա կարող է օգտագործել իր միջուկային զինանոցը: Դրա հետ համաձայնել են եւ դեմոկրատները, եւ հանրապետականները, թեև Բայդենի կողմնակիցների մեջ, հանրապետականների համեմատ, այդպիսի մարդիկ ավելի շատ էին՝ 81 տոկոս։

Հարցվածների 66 տոկոսն ասել է, որ Վաշինգտոնը պետք է շարունակի զենք մատակարարել Ուկրաինային, մինչդեռ օգոստոսին անցկացված համանման հարցման 51 տոկոսը նույն պատասխանն է տվել:

Reuters/Ipsos-ի հարցումը ցույց է տվել, որ ամերիկացիների մեծ մասը (58 տոկոս) վախենում է, որ երկիրը դեպի Ռուսաստանի հետ միջուկային պատերազմ է գնում։ Իսկ 65 տոկոսն անհանգստացած է, որ պատերազմը կարող է սրվել, եթե Ուկրաինային ավելի մեծ հեռահարության զենք տրամադրվի, որը կարող է օգտագործվել Ռուսաստանի տարածքում թիրախները խոցելու համար:

Ընդ որում, ամերիկացիների միայն 35 տոկոսն է կարծում, որ Ուկրաինայի խնդիրներն ԱՄՆ-ի գործը չեն, եւ որ իրենց երկիրը չպետք է միջամտի։ Այդպիսի մարդկանց թիվն օգոստոսի 40 տոկոսի համեմատ նվազել է։

Հարցվածների 68 տոկոսն ասել է, որ ավելի հավանական է, որ կաջակցի Կոնգրեսի առաջիկա միջանկյալ ընտրություններում այն ​​թեկնածուին, ով կողմ է Ուկրաինային ռազմական օգնության շարունակականությանը, իսկ 72 տոկոսն ասել է, որ կքվեարկի ուկրաինացի փախստականներին աջակցող թեկնածուի օգտին:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Սթոլտենբերգը՝ Երեւանում.. ողջունում եմ ձեր համեաշխությունն Ուկրաինայի հետ
Սթոլտենբերգը Երեւանում ելույթի մեկ երրորդը նվիրել է Ուկրաինային...
Եթե Պուտինը հաղթի Ուկրաինայում, դա վտանգավոր կլինի Ադրբեջանի համար. ՆԱՏՕ-ի գլխավոր քարտուղար
Անշուշտ, Ադրբեջանը ՆԱՏՕ-ի համար կարևոր է նաև էներգետիկ անվտանգության պատճառով...
Հարավային Կորեան հայտնել է, որ Հյուսիսային Կորեան 7000 կոնտեյներ զինամթերք է մատակարարել Ռուսաստանին
Հայտարարությունը հնչել է մի քանի ժամ անց այն բանից հետո...
Ռուսաստանը հայտնել է, որ Ղրիմում ահաբեկչություն է կանխել
Կնոջ մոտից առգրավվել են ինքնաշեն հրկիզող սարքեր և կապի միջոցներ, որոնց վրա հայտնաբերվել է նամակագրություն ուկրաինացի համակարգողի հետ...
Պուտին. Ռուսաստանը կարող է «սանիտարական գոտի» ստեղծել Ուկրաինայում
Պուտինը չի հստակեցրել, թե որքան կարող է լինել «սանիտարական գոտու» խորությունը...
Չեխիան զինամթերք է գնում Ուկրաինայի համար, այդ թվում՝ Ռուսաստանի դաշնակիցներից. WSJ
Խոսքը 300 հազար խորհրդային արտադրության արկերի մասին է, մոտ 500 հազար՝ արեւմտյան արտադրության...
Ամենաշատ