News
Լրահոս
News
Երկուշաբթի
Դեկտեմբեր 05
USD
395.53
EUR
393.43
RUB
6.42
Տեսնել լրահոսը

Կառավարությունն իր այսօրվա՝ հոկտեմբերի 6-ի նիստում հավանություն տվեց ՀՀ-ի եւ Եվրասիական զարգացման բանկի միջև 2015 թվականի ապրիլի 14-ին ստորագրված «Հյուսիս-հարավ» ավտոճանապարհային միջանցքի շինարարության (4-րդ հերթ)» նախագծի ֆինանսավորման համար Կայունացման և զարգացման եվրասիական հիմնադրամի միջոցներից ներդրումային վարկի տրամադրման մասին» համաձայնագրի թիվ 4 լրացուցիչ համաձայնագրի ստորագրման առաջարկությանը:

Որոշման հիմնավորման մեջ նշվում է, որ Ծրագիրը ֆինանսավորվում է Հայաստանի Հանրապետության և Եվրասիական կայունացման ու զարգացման հիմնադրամի միջոցներով: Ծրագրի ընդհանուր արժեքը կազմում է 236 681 000 դոլար, այդ թվում՝ վարկային միջոցներ 150 000 000 դոլար և Հայաստանի համաֆինանսավորում 86 681 000 ԱՄՆ դոլար:

Վարկային համաձայնագրով նախատեսված շինարարության (Ագարակ-նախատեսվող Քաջարանի թունելի մուտք (կմ 10+650-կմ 42+875)  շուրջ 32 կմ ընդհանուր երկարությամբ հատվածի շինարարություն) արժեքն ըստ հաստատված գնումների պլանի կազմում է 247 290  000 դոլար (այդ թվում՝ Եվրասիական կայունացման ու զարգացման հիմնադրամ՝ 135 000 000 ԱՄՆ դոլար և ՀՀ համաֆինանսավորում՝112 290 000 ԱՄՆ դոլար):

Մանրամասն նախագծի կազմման համար հայտարարվել էր միջազգային մրցույթ, որի արդյունքում հաղթող է ճանաչվել «Այ Առ Դի Ինջենիրինգ (Իտալիա) և Ջի Փի Ինջեներիա (Իտալիա)» ՀԶ ընկերությունը: 2019 թվականի հունիսի 11-ին կողմերի միջև ստորագրվել են համապատասխան պայմանագրեր՝ նախագծային աշխատանքների իրականացման և շինարարական աշխատանքների ընթացքում հեղինակային հսկողության ծառայությունների մատուցման համար:

Պայմանագրով նախատեսված նախագծման աշխատանքները ժամանակին մեկնարկել են:

Հաշվի առնելով այն հանգամանքը, որ շինարարական աշխատանքների իրականացման համար կպահանջվի շուրջ 4 տարի, ներառյալ 1 տարի որակի համար նախատեսված երաշխիքային ժամկետը՝անհրաժեշտ է նախաձեռնել վարկային միջոցների հասանելիության ժամկետի երկարաձգման գործընթացն՝ այն երկարաձգելով մինչև 2026 թվականի դեկտեմբերի 30–ը։

Թունելի երկարությունը 4750 մ է և հյուսիսային ճակատամուտքը նախատեսված շինաշխատանքների համար դժվարհասանելի հատվածում է։

Խորհրդատուն նախապատրաստել է նախնական նախագիծ, որի համաձայն Լոտ 1 Ագարակ-նախատեսվող Քաջարանի թունելի մուտք (կմ 10+700-կմ 42+800) 32 կմ ընդհանուր երկարությամբ հատվածի շինարարարության նախնական արժեքը կազմել է շուրջ 250 մլն. ԱՄՆ դոլար (ներառյալ ԱԱՀ), ինչը շուրջ 85 մլն.ԱՄՆ դոլարով գերազանցում է ծրագրի սկզբում հաստատված գնումների պլանով շինարարության համար նախատեսված  ֆինանսական միջոցները:

Հաշվի առնելով նշված հանգամանքները և Ագարակ-նախատեսվող Քաջարանի թունելի մուտք (կմ 10+700-կմ 42+800) հատվածի շուրջ 32 կմ ընդհանուր երկարությամբ հատվածի շինարարության համար նախատեսված ֆինանսական միջոցների պակասուրդը (շուրջ 85 մլն. ԱՄՆ դոլար, ներառյալ ԱԱՀ), անհրաժեշտ է նախաձեռնել վարկային համաձայնագրում:

Տպել
Կարդացեք նաև
Ամբողջը
Վրաստանից Ռուսաստան ճանապարհը Լարսով փակվել է մեծ բեռնատարների համար
«Վերին Լարսը» փակ է մեծ բեռնատարների համար...
Բերձորի միջանցքով անցնող նոր ճանապարհը որոշ տեղերում արդեն վերանորոգման անհրաժեշտություն ունի
Տեղեր կան արդեն շատ վատ վիճակում են, մի անգամ անձրեւ է եկել…
Պետբյուջեի միջոցներով հիմնանորոգվել են Հրազդանի մի շարք փողոցներ (ֆոտո)
Հրազդանցիները նկատում են, որ հիմնանորոգված փողոցները սոցիալական...
Ամեն օր տեսնում ենք, որ Լարսով բեռնափոխադրումների թողունակությունն ավելանում է. Վահան Քերոբյան
Կառավարությունն ամեն օր աշխատում է այդ ուղղությամբ եւ մենք ամեն օր տեսնում...
Քննարկվել են Սիսիան-Քաջարան ճանապարհահատվածի ֆինանսավորման հետ կապված հարցեր
Հանդիպման ժամանակ քննարկվել են երկկողմ հերաքրքրություն ներկայացնող մի շարք հարցեր...
Հայաստանի եւ Հնդկաստանի համագործակցությունը «Հյուսիս-Հարավ» միջանցքի հարցում վաղեմի բնույթ ունի. Բայբուրդյան
«Հյուսիս-Հարավի» հարցում Հայաստանի եւ Հնդկաստանի համագործակցությունն սկսվել է դեռեւս 2000-ականներին...
Ամենաշատ