Բուրկինա Ֆասոյի նոր զինվորական ղեկավար Իբրահիմ Թրաորեն պաշտոնապես նշանակվել է երկրի նախագահ, տեղեկացրել է «Ֆրանս պրես» գործակալությունը։
«Կապիտան Իբրահիմ Թրաորեն չորեքշաբթի նշանակվել է Բուրկինա Ֆասոյի նախագահ»,- նշվել է հաղորդագրությունում։
Սեպտեմբերի վերջին ԶԼՄ-ները տեղեկացրել էին, որ զինվորականների խումբը Բուրկինա Ֆասոյում՝ կապիտան Իբրահիմ Թրաորեի գլխավորությամբ, հայտարարել է երկրի անցումային կառավարության, որը ղեկավարում էր փոխգնդապետ Փոլ-Անրի Սանդաոգո Դամիբան, լիազորությունների դադարեցման եւ կառավարությունը ցրելու մասին։ Դամիբան հայտարարել էր, որ պատրաստ է հեռանալ, եթե խռովարարները մի քանի պայմաններ կատարեն։
Երեքշաբթի նոր ղեկավարության հետ բանակցելու համար Բուրկինա Ֆասո է ժամանել Արեւմտաաֆրիկյան պետությունների տնտեսական ընկերակցության (ՀԱՊՏԸ) պատվիրակությունը։
