News
Լրահոս
News
Չորեքշաբթի
Նոյեմբեր 30
USD
395.53
EUR
393.43
RUB
6.42
Տեսնել լրահոսը

Իսրայելի գլխավոր ընդդիմադիր կուսակցության՝ «Լիքուդի» ղեկավար, Իսրայելի նախկին վարչապետ Բենիամին Նեթանյահուն, որը նախորդ երեկոյան հիվանդանոցում էր հայտնվել, դուրս է գրվել, տեղեկացրել է նրա մամուլի ծառայությունը։

«Նախկին վարչապետ Նեթանյահուն մի քանի րոպե առաջ դուրս է գրվել «Շաարեյ Ցեդեկ» բուժկենտրոնից՝ այն բանից հետո, երբ բոլոր զննումները ցույց են տվել, որ նա նորմալ վիճակում է։ Նեթանյահուն վերադարձել է լիակատար ակտիվ վիճակի»,- նշվել է հաղորդագրությունում։

Անցած երեկո տեղեկացվել էր, որ Նեթանյահուն տարվել է Երուսաղեմի հիվանդանոց։ Երուսաղեմի հիվանդանոցում նախկին վարչապետը բուժզննում է անցել այն բանից հետո, երբ իրեն վատ է զգացել Յոմ Կիպուրից (պաս) դուրս գալու աղոթքի ժամանակ։ Տեղի ԶԼՄ-ները նշել են, որ Նեթանյահուն մեկ օրվա «ցամաք» պաս էր պահել։

Նեթանյահուն Իսրայելի կառավարությունը գլխավորել է մինչեւ 2021թ., եւ նորից, համաձայն սոցիոլոգիական հարցումների, համարվում է վարչապետի գլխավոր հավակնորդներից մեկն արտահերթ խորհրդարանական ընտրություններից հետո, որոնք տեղի կունենան նոյեմբերի 1-ին։

!
Այս նյութը հասանելի է նաև   English and Русский
Տպել
Ամենաշատ