Ուկրաինացի պաշտոնյաները ավելի մեծ հեռահարության հրթիռներ են պահանջում Ռուսաստանի կողմից վերահսկվող տարածքներում, այդ թվում՝ Ղրիմում, ավելի խորը հարվածներ հասցնելու համար, ինչը հարցեր է առաջացնում այն մասին, թե որքան ագրեսիվ է Ջո Բայդենի վարչակազմը պատրաստ աջակցել Կիեւի ռազմական նպատակներին, գրում է WSJ-ն։
ԱՄՆ պաշտոնյաները կոչ են արել Ուկրաինային կենտրոնանալ Խարկովի եւ Խերսոնի շուրջ մարտերի վրա։ Մինչդեռ ուկրաինացի պաշտոնյաները կրկին ավելի շատ սպառազինություն, այդ թվում՝ առաջադեմ համակարգեր են պահանջում, ինչպիսիք են ATACMS մարտավարական հրթիռային համակարգը, հայտարարել են Կոնգրեսի ներկայացուցիչները։
«Այդ հեռահար հրթիռները մասամբ անհրաժեշտ են Ղրիմին հարվածելու համար, որը Ռուսաստանը որպես իրանական ԱԹՍ-ների արձակման բազա է օգտագործում»,- ասել են Կոնգրեսի եւ Ուկրաինայի ներկայացուցիչները: Բայդենը մինչ այժմ հրաժարվում էր ATACMS տրամադրել Ուկրաինային, որը կարող է հարվածել Ռուսաստանի խորքերը:
«Այդ հեռահար հրթիռները տրամադրելու վարչակազմի դժկամությունն արտացոլում է ավելի խորը վեճը, մասամբ՝ այն մասին, թե ինչպես աջակցել Ուկրաինային՝ առանց Ռուսաստանի հետ ավելի լայն հակամարտություն վտանգի ենթարկելու: «Պատճառը, ինչու մենք նրանց այդ զենքը չենք տալիս, մեր անհամաձայնությունն է Ղրիմում թիրախներին հարվածելու հարցում», - հայտարարել է Կոնգրեսի ներկայացուցիչը։