Հոկտեմբերի 7-ին՝ ժամը 09։16-ին, Երևանի Բագրատունյաց պողոտայում՝ Երևանյան լճի մոտակայքում տեղի է ունեցել ճանապարհատրանսպորտային պատահար. կան արգելափակված քաղաքացիներ:
Արտակարգ իրավիճակների նախարարությունից NEWS.am-ին հայտնում են, որ դեպքը տեղի է ունեցել, երբ Volkswagen Golf մակնիշի ավտոմեքենան դուրս է եկել ճանապարհի երթևեկելի հատվածից և բախվել կայանած Ford Transit մակնիշի ավտոմեքենային:
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Volkswagen Golf մակնիշի ավտոմեքենայի վարորդը և ուղևորը ավտոմեքենայից դուրս են բերվել տեղի ուժերով՝ մինչ փրկարարների հասնելը:
Փրկարարները հոսանքազրկել են ավտոմեքենան և տուժածներին մոտեցրել շտապօգնության ավտոմեքենային․ վերջիններս հոսպիտալացվել են:
